މެސީ އާއި ރޮނާލްޑޯ ގެންގޮސްގެން ކުރިނޭރީ އެހެން ލީގުތައް: ސްޕެނިޝް ލީގް

ދުނިޔޭގެ އެންމެ މޮޅު ދެ ކުޅުންތެރިން ކަމަށްވާ ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ އާއި އާޖެންޓީނާގެ ކެޕްޓަން ލަޔޮނަލް މެސީ ސްޕެނިޝް ލީގުން ގެންދިޔަ ނަމަވެސް އެ ދެ ކުޅުންތެރިން ގޮވައިގެން އެހެން ލީގުތައް ކުރިއަރާފައިނުވާ ކަމަށް ސްޕެނިޝް ލީގުން ބުނެފި އެވެ.

ސްޕެނިޝް ލީގުގެ ރައީސް ހާވިއާ ޓަބޭސް ބުނީ ބާސެލޯނާއިން ވިދާލި މެސީ އާއި ރެއާލް މެޑްރިޑުގައި މޮޅަށް ކުޅުނު ރޮނާލްޑޯ ނުލައި ވެސް ސްޕެނިޝް ލީގު އޮތީ ޑިމާންޑު ބޮޑު ލީގެއްގެ ގޮތުގައި ކަމަށެވެ.

އޭނާ އަދި ބުނީ މެސީ އާއި ރޮނާލްޑޯ ހިމަނައިގެން ސްޕެނިޝް ލީގަށް އިތުރު އާމްދަނީ ހޯދަން ފަސޭހަވާނެ ކަމަށެވެ.

ރެއާލް މެޑްރިޑުން އަންނަ ސީޒަނުގައި ފްރާންސްގެ ކެޕްޓަން ކީލިއަން އެމްބާޕޭ ގެނައުން ގާތް ކަމަށް ވެސް ޓަބޭސް ބުންޏެވެ. އޭނާ ބުނީ މިކަމުގެ ސަބަބުން ރޮނާލްޑޯ އާއި މެސީ ނެތުމުން ލިބުނު އުނިކަން ފޫބައްދަން ވަރަށް ބޮޑަށް ފަސޭހަވާނެ ކަމަށެވެ.