ބަޔާންގެ ފަހަތަށް ކުޅުވަނީ ފޯމުގައި ތިބި ޑިފެންޑަރުން: ޓުޗެލް
18 ފެބުރުއަރީ 2024 | އާދީއްތަ 09:04ކުޅުންތެރިން ބަލަންވީ މަސައްކަތް ކޮށްގެން ފޯމުގައި ދެމިހުރުމަށް: ކޯޗު
ކޯޗު ޓުޗެލް އާއި ޑިލިޓް (ވ) ވާހަކަ ދައްކަނީ: އޭނާ ލައްވައި މިހާރު ކުޅުވަނީ މެދުތެރެ އަށް
ބަޔާން މިއުނިކްގެ ޑިފެންސް ލައިނުގައި ކުޅުވަމުންދަނީ އެންމެ ފޯމުގައި ތިބި ޑިފެންޑަރުން ކަމަށް ކޯޗު ތޯމަސް ޓުޗެލް ބުނެފި އެވެ.
އޭނާ މިހެން ބުނީ ނެދަލޭންޑްސްގެ ޑިފެންޑަރު މަތިއަސް ޑިލިޓް ފުރަތަމަ 11 އަށް ނާރާކަމުގެ ޝަކުވާ އޭނާގެ އެޖެންޓާއި ސަޕޯޓަރުން ކުރަމުންދާތީ، އެކަމާ ބެހޭ ގޮތުން ނޫސްވެރިން ސުވާލު ކުރުމުންނެވެ.
އޭނާ ބުނީ ކޮންމެ ކުޅުންތެރިއަކު ވެސް ބަލަންވީ މަސައްކަތް ކޮށްގެން ފޯމުގައި ދެމިހުރުމަށް ކަމަށެވެ. އަދި ޓީމު ޖާގަ ލިބޭނީ އެ ވަގުތެއްގައި އެންމެ ރަނގަޅަށް ކުޅޭ ކުޅުންތެރިންނަށް ކަމަށެވެ.
ބަޔާންގެ ފުރަތަމަ 11އިން ގަވާއިދުން ޖާގަ ނުލިބޭތީވެ ޑިލިޓް އެހެން ކުލަބަކަށްދާން ބޭނުންވާ ކަމަށް ވެސް ޖަރުމަނުގެ ނޫސްތަކުން ބުނެ އެވެ. މި ގޮތުން އޭނާގެ އެޖެންޓް ވަނީ ސްޕޭނާއި އިނގިރޭސި ކުލަބުތަކާ ސިއްރު ވާހަކަތަކެއް ބާއްވައިފައެވެ. އޭނާ ލައްވައި ކުޅުވަން ބައެއް ކުލަބުތަކުން ބޭނުންވި ނަމަވެސް އެކަމަށް ހުރަސް އެޅެނީ ބަޔާނުން އޭނާ ވިއްކާލަން ކިޔާ އަގު ބޮޑުވުން ކަމަށް ވެސް ނޫސްތަކުން ބުނެ އެވެ.
ޑިލިޓް ބަޔާންއާއެކު ހަދާފައިވާ ކޮންޓްރެކްޓް ބާކީ އަދި ދެ އަހަރު އެބައޮތެވެ. އޭނާ ބަޔާން އަށް މިދިޔަ ސީޒަނުގައި ބަދަލުވީ އިޓަލީގެ ޔުވެންޓަސްއިންނެވެ.
