ދޮގު ވާހަކަ ނުދައްކާ. ބާސެލޯނާ އަށް ބަދަލުވާކަށް ނޫޅެން: އާޓެޓާ
އަހަރެން މިހުރީ އެންމެ ރަނގަޅު ކުލަބުގައި: އާޓެޓާ
ޗެލްސީއާ ދެކޮޅަށް އާސެނަލުން ކުޅުނު މެޗުގައި އާޓެޓާ
އާސެނަލް ދޫކޮށް ސްޕޭންގެ ބާސެލޯނާ އަށް ބަދަލުވާން އޭނާ އެއްވެސް ވަރަކަށް ނޫޅޭ ކަމަށް ކޯޗު މިކޭލް އާޓެޓާ ބުނެފި އެވެ.
އޭނާ ބުނީ ސާބިތު ނުހިފޭ ވާހަކަތައް ނޫސްތަކުން ދައްކަމުންދަނީ އެއްވެސް ވަރަކަށް އޭނާގެ ޒާތީ ކަންކަމާމެދު ވިސްނާލުމެއްނެތި ކަމަށެވެ.
ބާސެލޯނާގެ ލަމާސިއާ އެކަޑަމީން ތަމްރީނުވި ނަމަވެސް އާޓެޓާ ބުނީ މި ސީޒަނަށް ފަހު ޒަވީ ހަނާންޑޭޒް ދޫކޮށްލާ ބާސެލޯނާގެ ކޯޗުގެ ވަޒީފާ އަށް އޭނާގެ ޝައުގުވެރިކަމެއް ނެތް ކަމަށެވެ. އަދި އާސެނެލްގައި އުފަލުން ހުއްޓައި ދޮގު ވާހަކަ ދައްކާތީވެ ވަރަށް ދެރަވެއްޖެ ކަމަށެވެ.
އޭނާ އަދި ބުނީ ބާސެލޯނާ އަށް ބަދަލުނުވާނެ ކަމުގެ ޔަގީންކަމަކަށް އާސެނަލްގެ ކޮންޓްރެކްޓް އާކުރުމަކީ މުޅިން އެހެން ކަމެއް ކަމަށާއި އެކަމާމެދު ވިސްނާނީ ކަންކަން އެހިސާބަށް ދިއުމުން ކަމަށެވެ.
