އިސްތިއުފާ ނުދޭނަން: ބެނީޓޭޒް

ސެލްޓަވީގޯގެ ކޯޗުކަމުން އިސްތިއުފާ ނުދޭނެ ކަމަށް ކޯޗު ރަފާ ބެނީޓޭޒް ބުނެފި އެވެ.

އޭނާ މިހެން ބުނީ މަގާމުން ވަކިވުމަށް އެދި ގޮވާ ގޮވުންތައް އިތުރުވެފައިވަނިކޮށެވެ.

ބެނީޓޭޒާމެދު ސަޕޯޓަރުން ހިތްހަމަނުޖެހިގެން އުޅެނީ ޓީމުގެ ނަތީޖާތައް މާބޮޑަށް ދަށްވުމުންނެވެ. އެ ޓީމު މިވަގުތު އޮތީ 17 ޕޮއިންޓާއެކު ޓޭބަލުގެ 17 ވަނާގަ އެވެ. އެއީ މިހާތަނަށް 22 މެޗު ކުޅެގެންނެވެ. ޓީމުގެ މައިނަލް ގޯލުގެ އަދަދަކީ 17 އެވެ.

ބެނީޓޭޒް ބުނީ ޓީމު ބަލިވުމުން އޭނާ ދެރަވާ ކަމަށެވެ. ނަމަވެސް މި ސީޒަން ފެށުގެ ކުރިން ޓީމާ ހަވާލުވީ ތިން އަހަރުގެ ޕްރޮޖެކްޓެއްގައި ކަމަށްވާތީވެ، ޓީމާއިގެން ކުރިއަށްދާން ބޭނުންވާ ކަމަށެވެ.

ބެނީޓޭޒަކީ ތަޖުރިބާކާރު ކޯޗެކެވެ. އޭނާ ވަނީ ލިވަޕޫލަށް 2005 ވަނަ އަހަރުގެ ޗެމްޕިއަންސް ލީގު ކާމިޔާބުކޮށްދީފަ އެވެ. އަދި ސްޕޭނުގެ ވެލެންސިއާ އާއި އިނގިރޭސިވިލާތުގެ ޗެލްސީ އާއި އިޓަލީގެ އިންޓަމިލާނަށް ވެސް ކާމިޔާބު ހޯދައިދިނެވެ. އޭނާ ސެލްޓަވީގޯއާ ހަވާލުވީ ކޯޗިންއާ ދުވަސްކޮޅަކު ދުރުގައި ހުރުމަށްފަހު އެވެ.