ގުރައިދޫ މަރުކަޒުގައި ތިބި މީހުންގެ ތެރެއިން އާއިލާތަކާއި ހަވާލުކުރަނީ ކުރީ ސަރުކާރުން އާއިލާތަކާއި ހަވާލުކުރަން ޑިސްޗާޖްކުރި މީހުން
23 ޖެނުއަރީ 2024 | އަންގާރަ 18:07މި 19 މީހުންނަކީ ނިމިދިޔަ ސަރުކާރުން ގުރައިދޫ މަރުކަޒުން ނޮވެމްބަރު މަހުގެ ޑިސްޗާޖް ކުރި މީހުން
ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގައި 198 މީހުން އެބަތިބި!
ގުރައިދޫ މަރުކަޒުގައި ތިބި މީހުންގެ ތެރެއިން އާއިލާތަކާއި ހަވާލުކުރަނީ ކުރީ ސަރުކާރުން ފޮނުވާލަން ނިންމާފައި ތިބި މީހުންކަން ހާމަވެއްޖެއެވެ.
މިކަން ހާމަވެފައިވަނީ ގުރައިދޫ މަރުކަޒުގައި ތިބި މީހުންގެ ތެރެއިން އާއިލާތަކާއި ހަވާލުކުރަން ނިންމާފައިވާކަމަށް ހާމަކޮށް، މި ސަރުކާރުގެ މިނިސްޓްރީ އޮފް ސޯޝަލް އެންޑް ފެމިލީ ޑިިވަލަޕްމަންޓުން ކުރި ޕޯސްޓާގައި ގުޅިން ރާއްޖެއެމްވީން ހޯދި މައުލޫމާތުތަކުންނެވެ.
އެގޮތުން މިނިސްޓްރީން ކޮށްފައިވާ ޕޯސްޓުގައި ބުނެފައިވަނީ ކ.ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުން ޚިދުމަތް ދެމުން އަންނަ 19 ފަރާތެއް އަނބުރާ ޢާއިލާތަކާއި ހަވާލުކުރުމަށްވަނީ ތައްޔާރުވެފައި ކަމަށެވެ. ކޮންމެ މީހަކީވެސް އުފާވެރި އަބުރުވެރި ރީތި ދިރިއުޅުމެއް ޢާއިލާއާއިއެކު އުޅުމުގެ ހައްޤު ލިބިގެންވާ މީހެއް ކަމަށެވެ.
ނަމަވެސް މި 19 މީހުންނަކީ ނިމިދިޔަ ސަރުކާރުން ގުރައިދޫ މަރުކަޒުން ނޮވެމްބަރު މަހުގެ ޑިސްޗާޖް ކުރި މީހުންނެވެ. މިދިޔަ އަހަރުގެ އޮކްޓޯބަރު މަހުގެ ނިޔަލަށް ވަނީ 23 މީހަކު އާއިލާއާއި ހަވާލުކޮށްފައެވެ.
