ޓޫރިޒަމް މިނިސްޓްރީއަށް އިތުރު 3 ސިޔާސީ ބޭފުޅުން އައްޔަނުކުރައްވައިފި
22 ޖެނުއަރީ 2024 | ހޯމަ 16:18އެއް ބޭފުޅަކު އައްޔަނުކުރެއްވީ ސްޓޭޓް މިނިސްޓަރުކަމަށް، އަނެއް ދެ ބޭފުޅުން އައްޔަނުކުރެއްވީ ޑެޕިޔުޓީ މިނިސްޓަރުކަމަށް
ޓޫރިޒަމް މިނިސްޓްރީއަށް އައްޔަނުކުރެއްވި ސިޔާސީ 3 ބޭފުޅުން
ޓުއަރިޒަމް މިނިސްޓްރީއަށް އިތުރު ތިން ސިޔާސީ ބޭފުޅުން އައްޔަނުކުރައްވައިފިއެވެ.
ޓުވަރިޒަމް މިނިސްޓްރީއަށް އައްޔަނު ކޮށްފައިވާ ތިންބޭފުޅުންނަކީ މީނާސް ޝައުގީ އަދި ހާރިސް މުހަންމަދުގެ އިތުރުން އަހުމަދު ޝިފާޒުއެވެ.
މީގެތެރެއިން ހާރިސް އައްޔަނުކުރެއްވީ ސްޓޭޓް މިނިސްޓަރުގެ ފެންވަރުގައެވެ. މީނާސް އާއި ޝިފާޒު އައްޔަނުކުރައްވާފައިވަނީ ޑެޕިޔުޓީ މިނިސްޓަރުގެ ފެންވަރުގައެވެ.
މިއާއެކު ޓޫރިޒަމް މިނިސްޓްރީގައި 10 ޑެޕިޔުޓީ މިނިސްޓަރުންނާއި 2 ސްޓޭޓް މިނިސްޓަރުން ތިއްބެވިކަމަށް ރައީސް އޮފީހުގެ ވެބްސައިޓުގައި އާންމުކޮށްފައިވާ މައުލޫމާތުން ހާމަވެއެވެ.
މިސަރުކާރުން ގިނަ އަދަދެއްގެ ބަޔަކަށް ސިޔާސީ މަގާމުތައް ދެމުންދާތީ އާންމުން އަންނަނީ ކަންބޮޑުވުން ފާޅުކުރަމުންނެވެ.
