ގައުމީ ބާސްކެޓްބޯޅަ ލީގުގެ އަންހެން ޑިވިޝަންގައި ކުއީންސް ބާސްކެބޯޅް ކްލަބް ދެވަނަ މެޗު ވެސް ކާމިޔާބުކޮށްފިއެވެ.

ކުއީންސް ދެވަނަ މެޗު ކާމިޔާބުކުރީ ސައިކްލޯން ބާސްކެޓްބޯޅަ ކްލަބާ ވާދަކޮށް ބޮޑު ތަފާތަކުންނެވެ. އެއީ 95-27 ޕޮއިންޓުންނެވެ. މެޗުގެ ހަތަރު ކުއާޓާ ވެސް ކުއީންސް ކާމިޔާބުކުރީ ފަރަގު ބޮޑު ކޮށެވެ. ކުއާޓާއެއްގައި ސައިކްލޯން އަށް އެންމެ ގިނައިން ހޯދުނީ 9 ޕޮއިންޓެވެ. ލީގުގައި ސައިކްލޯން ވަނީ ފުރަތަމަ މެޗު ލަޔެންސްއާ ވާދަކޮށް ކާމިޔާބުކޮށްފަ އެވެ. އެއީ 69-25 ޕޮއިންޓުން ނެވެ.

ކުއީންސް ފުރަތަމަ މެޗު ކާމިޔާބުކުރީ އެލީޓް ބާސްކެޓްބޯލް ކްލަބާ ވާދަކޮށެވެ. ފުރަތަމަ މެޗުން ބަލިވިޔަސް އެލީޓް ވަނީ ދެވަނަ މެޗުގައި ލަޔެންސް ސްޕޯރޓްސް ކްލަބް އަތުން މޮޅުވެފައެވެ. އެލީޓް މެޗު ކާމިޔާބުކުރީ 90-33 ޕޮއިންޓުންނެވެ. އަންހެން ޑިވިޝަންގައި ވާދަކުރަނީ ހަތަރު ޓީމެވެ.