އޮސްޓްރޭލިޔާ މޮޅެއްނޫން، އިންޑިޔާ ބަލިވީ ފަރުވާ ކުޑަވުމުން: ކޯޗު

އޭޝިއަން ކަޕުގައި އިއްޔެ އޮސްޓްރޭލިޔާ އަތުން އިންޑިޔާ ބަލިވީ އަމިއްލަ މިސްޓޭކްތަކާއި ފަރުވާކުޑަވުމުން ކަމަށް ކޯޗު އިގޯ ސްޓިމަކް ބުނެފި އެވެ.

އޭނާ މިހެން ބުނީ މުބާރާތުގައި ކުޅުނު ފުރަތަމަ މެޗުގެ ފަހު ހާފުގައި ވަން ދެ ގޯލުން އިންޑިޔާ ބަލިވުމުންނެވެ.

އޭނާ ބުނީ އޮސްޓްރޭލިޔާ އަކީ އޭޝިޔާގެ އެންމެ ވަރުގަދަ އެއް ޓީމު ކަމަށްވުމުން އެމީހުންގެ ފަރާތުން އުނދަގޫ މެޗެއް ކުރިމަތިވާނެކަމަށް ގަބޫލުކުރާ ކަމަށެވެ.

އިންޑިޔާގެ ފުރަތަމަ ގޯލަކީ ކީޕަރު ގުޕްރީތު ސިންގު ހެދ ބޮޑު މިސްޓޭކެކެވެ. އޭނާ ބޯޅަ ހިފަން އުޅެފައި މަޑުމަޑުން އަތުން ޖައްސާލުމުން ލިބުނީ ހުސްކޮށްހުރި އޮސްޓްރޭލިޔާ ކުޅުންތެރިޔާ އަށެވެ.

އޭނާ ބުނީ އިންޑިޔާ އަށް އޭޝިއަންކަޕަކީ ވަރަށް މުހިންމު މުބާރާތެއް ކަމަށާއި ކުރިއަށް އޮތް ދެ މެޗު ކާމިޔާބުކޮށް ދެ ވަނަ ބުރަށް ދިއުމަށް މަސައްކަތް ކުރާނެ ކަމަށެވެ.