ބައި އިލެކްޝަންތަކުގެ ވޯޓުލުން ފެށިގެން ކުރިއަށްދަނީ
13 ޖެނުއަރީ 2024 | ހޮނިހިރު 04:57އިންތިޚާބުގެ ރަސްމީ ނަތީޖާ އިއުލާނު ކުރާނީ ޖެނުއަރީ މަހުގެ 15 ދުވަހު
ބައި އިލެކްޝަންތަކުގެ ވޯޓުލުން ވަނީ ފެށިފައި
މާލޭސިޓީ މޭޔަރު އަދި މާލޭސިޓީ ކައުންސިލަރުންގެ ބައި-އިލެކްޝަންގެ ވޯޓުލުން ފެށިގެން އެބަ ކުރިއަށްދެއެވެ.
ވޯޓުލުން ފަށާފައިވަނީ ހޮނިހިރު ދުވަހުގެ ހެނދުނު 08:00 ގައެވެ. ބައި-އިލެކްޝަންތަކުގެ ވޯޓުލުމުގެ ވަގުތަށް އެއް ގަޑިއިރު އިތުރުކޮށް، ވޯޓުލުން ނިމޭގަޑި ހަވީރު 5:00 ގެ ނިޔަލަށް އީސީން ވަނީ އިތުރުކޮށްފައެވެ.
މި އިންތިޚާބުގެ ރަސްމީ ނަތީޖާ އިއުލާނު ކުރާނީ ޖެނުއަރީ މަހުގެ 15 ދުވަހުއެވެ.
މާލެ ސިޓީ ކައުންސިލްގެ ބައި-އިލެކްޝަންގައި ވޯޓުލާ މަރުކަޒުތަކުގައި ގިނަ އަދަދެއްގެ އޮފިޝަލުން ހަރަކާތްތެރިވަމުން ގެންދާނެއެވެ. އަމާންކަމާ ރައްކާތެރިކަން ކަށަވަރު ކުރުމަށް ފުލުހުން ވެސް ހަރަކާތްތެރިވަމުންދާނެއެވެ. މި އިންތިޚާބު ވެސް އަމާންކަމާއެކު ކުރިއަށް ގެންދިއުމަށް ރައްޔިތުންގެ ފުރިހަމަ އެއްބާރުލުން ބޭނުންވާ ކަމަށް އިލެކްޝަން ކޮމިޝަނުން ބުނެއެވެ.
