ދިރާސީ އާ އަހަރު ބަދަލުކުރުމުން ގާތްގަކަށް 4-5 މަސް ވަންދެން ގްރޭޑް 10ގެ ދެ ބެޗް އޮންނާނެ ކަމަށް އެޑިއުކޭޝަން މިނިސްޓްރީގެ ކުރީގެ ޑެޕިއުޓީ މިނިސްޓަރު މުހައްމަދު އިހްސާން ވިދާޅުވެއްޖެއެވެ.

ރާއްޖެ ޓީވީގެ ފަށާއިރު ޕްރޮގްރާމްގައި ވާހަކަދައްކަވަމުން އިހުސާން ވިދާޅުވީ މިހާރު ގްރޭޑް 8ގައި ތިބި ދަރިވަރުން، 2025ގެ އޮކްޓޫބަރު ނޮވެންބަރުގައި ދަރިވަރުން އޯލެވެލް ހަދާއިރުގައި އެކުދިން އެ ތިބެނީ ގްރޭޑް 10 ގައި ކަމަށެވެ. އެ އެކުދިން ގްރޭޑް 10ގެ ކިޔެވުން ފަށާނީ 2025 ވަނަ އަހަރުގެ ފެބްރުއަރީގައި ކަމަށް އިހުސާން ވިދާޅުވިއެވެ. އަދި އެކަމުގެ ސަބަބުން ދަރިވަރުންގެ ކިޔެވުމަށް ވަރަށް ބޮޑަށް ނޭދެވޭ އަސަރުކުރާނެ ކަމަށް އިހުސާން ވިދާޅުވިއެވެ.

2025 ވަނަ އަހަރުގެ މޭއި ޖޫންގައި ގްރޭޑް 10އެއްގެ އިތުރު ބެޗެއްގެ ދަރިވަރުން އޯލެވެލް ހަދާނެ ކަމަށް ވެސް އިހުސާން ވިދާޅުވިއެވެ. އެއަހަރުގެ މެއި-ޖޫންގައި އަދި އިތުރު ގްރޭޑް 10 ގެ ކުދިން އޯލެވެލް އިމްތިހާނު ހަދާނެ ކަމަށާއި އެއީ މިހާރު ގްރޭޑް 9 ގައި ތިބި ކުދިން ކަމަށް އިހުސާން ވަނީ ވިދާޅުވެފައެވެ.

އެހެންކަމުން އުފެދޭ ސުވާލަކީ ރާއްޖޭގެ ސްކޫލުތަކުގެ އިންސްފްރާސްޓަކްޗަރ އެކަމަށް ތައްޔާރުވެފައި ވަނީ ކިހާވަރަކަށްތޯ ކަމަށް އިހުސާން ވިދާޅވުިއެވެ.

އިހުސާން ވަނީ އެއްފަހަރާ ކުރިޔަށްވާ ގްރޭޑް 10 ގެ ދެބެޗް އޮންނާނެކަމަށާ ގާތްގަނޑަކަށް 4 މަސް ވަންދެން ރާއްޖޭގެ ސްކޫލުތަކުގައި އެގޮތަށް ކިޔަވާދޭނެ ކަމަށެވެ. އަދި އެކަންކަމަށް އަތައްޔާރު ވަނީ ކިހިނެތްތޯ އިހުސާން ސުވާލު އުފެއްދެވިއެވެ. އަދި ވަސީލަތްތަކުގެ ގޮތުން ވެސް ވާން ޖެހޭ ތައްޔާރީތައް ހުރިކަމަށް އިހުސާން ވަނީ ވިދާޅުވެފައެވެ.

އިހުސާން އިތުރަށް ވިދާޅުވީ ކުރިން ޖުމްލަ ގޮތެއްގައި ދިރާސީ އަހަރުގައި، ދަރިވަރުންނަށް އުނގެނެން 41 ހަފްތާ ލިބޭ ކަމަށެވެ. ނަމަވެސް މިހުރިހާ ބަންދުތަކާއި ރޯދަ މަހުގެ ފަހު 10 ވެސް ބަންދު ކުރުމާއި އެކު ގާތްގަނޑަކަށް 6 މަސް ދުވަހުގެ ކިޔެވުން ގެއްލޭ ކަމަށް އޭނާ ވިދާޅުވިއެވެ.

އެހެންނަމަވެސް އެ ހަމަސް ދުވަސް ރިކަވާ ކުރަން ކަމަށް ބުނެ ގްރޭޑް 8 ގެ މެދުތެރެއިން އެއްޓާމް އުނިކުކޮށްފައިވާ ކަމަށް އިހުސާން ވިދާޅުވިއެވެ. އަދި އެކުދިން ލައްވާ ފަށަނީ ގްރޭޑް 9 ގެ ސިލަބަސް ކަމަށާއި އެކަމާއި ކަންބޮޑުވެވަޑައިގަންނަވާ ކަަމަށް އިހުސާން ވިދާޅުވިއެވެ.