މަޖިލީހަށް ނުވަދެވޭ ގޮތަށް ސަފުތައް ހެދުމުގެ ގާނޫނީ ބާރެއް ފުލުުހުންނަކަށް ނުލިބޭ: ރައީސް ނަޝީދު
30 ޖުލައި 2017 | އާދީއްތަ 06:51ފުލުހުންގެ ސަފުތައް ރޫޅާލި ކަމަށް ތުހުމަތުކޮށް މަޖިލީހުގެ މެންބަރުންނާއި ގުޅޭ އެއްވެސް މައްސަލައެއް ނުބެލޭނެ
ރައްޔިތުންގެ މަޖިލީހުގެ މެމްބަރުން މަޖިލީހުގެ އިދާރާގައި ކައިރީގައި
ރައްޔިތުންގެ މަޖިލީހުގެ މެންބަރުންނަށް މަޖިލީހުގެ އިދާރާއަށް ނުވަދެވޭ ގޮތަކަށް ފުލުހުންގެ ސަފުތައް ހެދުމުގެ ގާނޫނީ ބާރު މޯލްޑިވްސް ޕޮލިސް ސާވިސްއަށް ނެތް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސް ނަޝީދު ކުރައްވާފައިވާ ޓްވީޓުގައި ވަނީ، ފުލުހުންގެ ސަފުތައް ރޫޅާލި ކަމަށް ތުހުމަތުކޮށް މަޖިލީހުގެ މެންބަރުންނާއި ގުޅޭ އެއްވެސް މައްސަލައެއް ނުބެލޭނެ ކަމަށެވެ.
މިއީ ރައީސް އަބްދުﷲ ޔާމީން ފުލުުހުންގެ މަދު ބަޔަކު ލައްވާ ކުރި ބޮޑު ކުށެއް ކަމަށާއި މަޖިލީހަށް ވަނުމަށް އަމުރުކުރި މީހަކު އެ ފުލުހުން ކިޔާދިނުން ބުއްދިވެރި ކަމަށްވެސް ރައީސް ނަޝީދު ވިދާޅުވި އެވެ.
ރައީސް ނަޝީދު މިފަދައިން ޓްވީޓްކުރެއްވި އިރު ހޮނިހިރު ދުވަހު ކުރެއްވި ޓްވީޓެއްގައި ވިދާޅުވީ ރައީސް އަބްދުﷲ ޔާމީންގެ ސިޔާސީ ކަންކަމަށް ފުލުހުންގެ މުއައްސަސާ ބޭނުން ކުރާކަމީ އެ މައްސަަސާގެ އިތުރުން މުޅި ރާއްޖެއަށް އޭގެ ގެއްލުންވާނެ ކަމެއް ކަަމަށެވެ.
ފުުލުފުލުން ކުރިއަށްގެންދާ ރައްޔިތުންގެ މަޖިލީހުގެ މެންބަރުންގެ ތަހުގީގުތައް ހުއްޓާލުމަށް ބާރު އަޅައި މަޖިލީހުގެ އިދާރާއަށް ވަނުމަށް ފުރުސަތު ދިނުމަށް ގައުމަށް ވަފާތެރި ސިފައިންނާއި ފުލުހުންގެ ކިބައިން އެދޭ ކަމަށް ބުނެ ރައީސް ނަޝީދު ވަނީ ގޮވާލައްވާފައެވެ.
ރައީސް ނަޝީދު މިފަދައިން ފުލުހުންނާއި ގުޅޭ ގޮތުން ޓްވީޓު ކުރައްވާފައިވާ އިރު، މަޖިލީހުގެ މެންބަރުން މިމަހުގެ 24 ވަނަ ދުވަހު މަޖިލީސް އިދާރާއަށް ވެންނެވި މައްސަލައާ ގުޅިގެން ފުލުހުން އަންނަނީ މެމްބަރުންގެ ތަހްގީގެއް ފަށައިފަ އެވެ. އޭގެ އިތުރުން އިލެކްޝަންސް ކޮމިޝަނާއި މަޖިލީހުގެ އިދާރާއިން ގޮނޑި ގެއްލުވާލާފައިވާ ތިން މެމްބަރަކު، މަޖިލީހުގެ އިދާރާއަށް ވެންނެވި މައްސަލައިގައި އެ މެމްބަރުން ހައްޔަރުކޮށް ބަންދަށް 15 ދުވަސް ވަނީ ޖަހައިފަ އެވެ.
އެ މެމްބަރުންނަކީ ވިލިނގިލި ދާއިރާގެ މެންބަރު ސައުދު ހުސައިން އާއި މަޑުއްވަރީ ދާއިރާގެ މެންބަރު މުހައްމަދު އަމީތު އާއި ތުލުސްދޫ ދާއިރާގެ މެންބަރު މުހައްމަދު ވަހީދު އަހުމަދު އެވެ. މި ތިން މެމްބަރުން ހައްޔަރުކޮށްފައިވާއިރު، އެ މެމްބަރުންގެ ގޮނޑި ނުގެއްލޭ ކަމަށް ވިދާޅުވެ، މައްސަލަ ވަނީ ސުޕްރީމް ކޯޓަށް ހުށަހަޅައިފަ އެވެ.
ރިޝްވަތުގެ ތުހްމަތުކޮށް ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ މައްޗަށް ދައުވާކޮށް، ޝަރީއަތް ހިންގަމުންދާއިރު، ދިއްގަރު ދާއިރާގެ މެމްބަރު އަހްމަދު ފާރިސް މައުމޫންގެ ވެސް ވަނީ ރިޝްވަތުގެ ތުހްމަތުކޮށް ހައްޔަރުކޮށްފަ އެވެ.
