ބައެއް ސަރަހައްދުތަކުގައި ދަތުރުފަތުރަށް ދަތިވާގޮތަށް އުޅަނދުތައް ބަހައްޓާނަމަ ފިޔަވަޅު އަޅާނެކަމަށް ފުލުހުން ބުނެފިއެވެ.
ފުލުހުން ކުރި އިއުލާނެއްގައި ވަނީ މާލޭގެ ބާރުބޮޑު ސަރަހައްދުތަކުގައި ބަރު އުޅަނދު ޕާކު ނުކުރުމަށްވެސް އިލްތިމާސްކޮށްފައެވެ.
ފުލުހުން ވަނީ ގްރީން ޒޯން ސަރަހައްދާއި، ސަލްމާން މިސްކިތް ހިމެނޭ ސަރަހައްދު، އަދި ބޮޑުތަކުރުފާނު މަގުގައި ކަނޑައެޅިފައިވާ ޕާކިން ޒޯންތައް ފިޔަވައި އެ ނޫން ތަންތަނުގައި ޕާކް ނުކުރުމަށް އަންގާފައެވެ. އަދި މާލޭގެ ބާރު ބޮޑު ސަރަހައްދުތަކުގައި ބަރު އުޅަނދު ޕާކް ނުކުރުމަށް ފުލުހުން ވަނީ އަންގާފައެވެ.
ފުލުހުން ބުނެފައިވަނީ އެ ސަރަހައްދުތަކުގައި އާއްމުންގެ ދަތުރުފަތުރަށް ދަތިވާގޮތަށް ހުންނަ އުޅަނދުތަކާމެދު ގާނޫނީ ފިޔަވަޅު އަޅާނެކަމަށެވެ.
