23 ވަނަ ޤައުމީ ކެޑޭޓް ކޭމްޕްގެ ދަރިވަރުންނަށް ރެއިޑް ޑެމޯއެއް ދައްކާލައިފި
30 ޑިސެމްބަރު 2023 | ހޮނިހިރު 03:21ސްޕެޝަލް އޮޕަރޭޝަންސް ގުރޫޕްގެ މެރީންސް ބޭނުންކުރާ ބައެއް ހަތިޔާރުތައް 23 ވަނަ ޤައުމީ ކެޑޭޓް ކޭމްޕްގެ ދަރިވަރުންނަށް ދައްކާލާފައިވޭ
23 ވަނަ ޤައުމީ ކެޑޭޓް ކެމްޕްގެ ތެރެއިން
23 ވަނަ ޤައުމީ ކެޑޭޓް ކޭމްޕްގެ ދަރިވަރުންނަށް ރެއިޑް ޑެމޯއެއް ދައްކާލައިފިއެވެ.
އެމްއެންޑީއެފުން ބުނީ އެމްއެންޑީއެފް މެރިންކޯރގެ އިސްނެގުމާއެކު، 23 ވަނަ ޤައުމީ ކެޑޭޓް ކޭމްޕްގެ ދަރިވަރުންނަށް އެ ރެއިޑް ދައްކާލާފައި ވަނީ އެމްއެންޑީއެފްގެ މެރިންކޯރގެ ސްޕެޝަލް އޮޕަރޭޝަންސް ގުރޫޕް (އެސްއޯޖީ) އިން ކަމަށެވެ.
24 ޑިސެންބަރު 2023 ވަނަ ދުވަހުން ފެށިގެން ދެ ހަފުތާގެ މުއްދަތަށް ކ.ގިރިފުށީ ޓްރޭނިންގ ސެންޓަރުގައި ކުރިއަށްގެންދާ މި ކެޑޭޓް ކޭމްޕްގައި ކުރިއަށް ގެންދިޔަ މި ހާއްސަ ޑެމޯ އަށްފަހު، މެރިންކޯރގެ ކޮމަޑާންޓް އަދި މޯލްޑިވްސް ނޭޝަނަލް ކެޑޭޓް ކޯރ (އެމްއެންސީސީ) ގެ ކޮމާންޑިންގ އޮފިސަރ، ބްރިގޭޑިއަރ ޖެނެރަލް އަޙްމަދު ޣިޔާސް ވަނީ އެ ކެމްޕެގެ ދަރިވަރުންނާއި މުހާތަބުބުކޮށް ވާހަކަ ދައްކަވާފައިވެއެވެ. އެ މަނިކުފާނު ވަނީ ކެޑޭޓްޝިޕްގެ މުހިންމުކަމާ ބެހޭގޮތުން ވާހަކަދައްކަވާފައެވެ. އަދި އަހުލާޤް ރަނގަޅު، ކެރޭ ހީވާގި ކެޑޭޓުން ދިވެހި އަސްކަރިއްޔާއާ ގުޅުމަކީ މުހިންމުކަމެއް ކަމަށް ވިދާޅުވިއެވެ.
އެ ކެމްޕްގެ ތެރެއިން ސްޕެޝަލް އޮޕަރޭޝަންސް ގުރޫޕްގެ މެރީންސް ބޭނުންކުރާ ބައެއް ހަތިޔާރުތައް 23 ވަނަ ޤައުމީ ކެޑޭޓް ކޭމްޕްގެ ދަރިވަރުންނަށް ވަނީ ދައްކާލާފައެވެ.
