ރާއްޖެ
މަހަށް ނުކުމެ އުޅުނު ބިދޭސީ އެއް ނިޔާވުން
ގއ.ވިލިގިލިން، މަހަށް ނުކުމެ އުޅުނު ބިދޭސީއަކު ނިޔާވެއްޖެ
ފުލުހުން ބުނީ މިކަމާއި ގުޅިގެން ބަލަން ޖެހޭ ކަންކަން ބަަލަމުންދާ ކަމަށް
ނަޒާހަތު އިބްރާހިމް ރަޝީދު, ރާއްޖެ އެމްވީ | 26 ޑިސެމްބަރު 2023 | އަންގާރަ 04:09
މަހަށް ނުކުމެ އުޅެނިކޮށް ހާލު ދެރަވި މީހާ ސިއްހީ މަރުކަޒަށް ގެންދަނީ
ގއ.ވިލިގިލީގައި މަހަށް ނުކުމެ އުޅުނު ބިދޭސީއަކު ނިޔާވެއްޖެއެވެ.
ފުލުހުން ބުނީ ގއ.ވިލިގިލިން މަހަށް ނުކުމެ އުޅުނު ދޯންޏެއްގައި ހުރި މީހަކު ހާލު ދެރަވެގެން ދާންދޫ ހެލްތް ސެންޓަރަށް ގެންދިޔަކަން އެ އިދާރާ އަށް ރިޕޯޓްކޮށްފައި ވަނީ ހޯމަ ދުވަހުގެ ރޭގެ 12:25 ހާއިރުކަމަށެވެ.
އަދި ހެލްތް ސެންޓަރަށް އެ މީހާ ގެންދިޔަ އިރު ވެސް ނިޔާވެފައިވާ ކަމަށް ހެލްތް ސެންޓަރާއި ހަވާލާދީ ފުލުހުން މައުލޫމާތު ދީފައިވެއެވެ.
ފުލުހުން މައުލޫމާތު ދީފައިވާ ގޮތުގައި ނިޔާވެފައި ވަނީ އުމުރުން 35 އަހަރުގެ ބަންގްލަދޭޝަށް ނިސްބަތްވާ ފިރިހެނެކެވެ.
ފުލުހުން ބުނީ މިކަމާއި ގުޅިގެން ބަލަން ޖެހޭ ކަންކަން ބަަލަމުންދާ ކަމަށެވެ.
