ރޭ ހިނގި މާރާމާރިއާއި ގުޅިގެން އެއްވެސް މީހަކު ހައްޔަރެއް ނުކުރަން: ފުލުހުން
މާރާމާރީގައި ޒަހަމްކޮށްލި ޒުވާނާގެ ހާލު ސީރިއަސްކަމަށް ފުލުހުން ބުނޭ
ނަދީމު އަބްދުއްރަހީމް - މާރާމާރީއާ ގުޅިގެން ލިބިފައިވާ އަނިޔާތަކަށް ހޮސްޕިޓަލުގައި އަންނަނީ ފަރުވާ ހޯދަމުން، އޭނާގެ ހާލު ވަރަށް ސީރިއަސް
ލޮނުޒިޔާރަތް މަގާއި ކަށިމާ ހިނގުން ގުޅޭ ކަންމަތީގައި ހުންނަ ޓާމިނަލް ކެފޭ ތެރޭގައި އިން މީހަކަށް ތޫނު އެއްޗަކުން ހަމަލާދީ ހިންގި މާރާމާއި އާއި ގުޅިގެން އެއްވެސް މީހަކު ހައްޔަރުކޮށްފައިނުވާކަމަށް ފުލުހުންގެ އިދާރާއިން ބުނެފި އެވެ.
ނޫސްވެރިންނަށް މައުލޫމާތުދެއްވަމުން ފުލުހުންގެ މީޑިއާ އޮފިޝަލް ވިދާޅުވީ މާރާމާރިއާއި ގުޅިގެން އެއްވެސް މީހަކު ހައްޔަރުކޮށްފައިނުވާކަމަށާއި، މާރާމާރީގައި ޒަހަމްކޮށްލި ޒުވާނާގެ ހާލު ވަރަށް ސީރިއަސްކަމަށެވެ. މައްސަލައާއި ގުޅޭގޮތުން އިތުރު ތަފްސީލެއް ފުލުހުން ނުދެއްވަ އެވެ.
ޒަޙަމްކޮށްލައިފައިވަނީ ހއ. ތަކަންދޫ، އިބްރާހިމީ ހިޔާގޭ، އުމުރުން 23 އަހަރުގެ ނަދީމު އަބްދުއްރަހީމްއެވެ.
މަންޒަރު ދުށް މީހަކު ބުނިގޮތުގައި ނަދީމްއަށް ހަމަލާދީފައި ވަނީ މޫނު ނިވާކޮށްގެން ތިބި ހަތަރު މީހުން ކެފޭ ތެރެއަށް ވަދެ އެވެ. ހަމަލާދީފައި ވަނީ ބޮލަށެވެ.
