ރާއްޖޭގައި އުޅޭ ބަންގްލަދޭޝް މީހުންގެ އަދަދާގުޅޭ ހުރިހާ ރެކޯޑެއް ސަރުކާރުން ޑިލީޓްކުރަން ފަށައިފި
ރާއްޖޭގައި މިހާރުވެސް ލައްކައަކަށްވުރެ ގިނަ ބަންގްލަދޭޝް މީހުން އެބައުޅޭ
އިކޮނޮމިކް މިނިސްޓްރީގެ ވެބްސައިޓް
ރާއްޖޭގައި އުޅޭ ބަންގްލަދޭޝް މީހުންގެ އަދަދާގުޅޭ ހުރިހާ ރެކޯޑެއް ސަރުކާރުން ޑިލީޓްކުރަން ފަށައިފިއެވެ.
ސަރުކާރުން މިފަދައިން އަމަލުކުރަން ފަށާފައިވަނީ ގަވާއިދާ ޚިލާފަށް ބަންގްލަދޭޝް މީހުން އެތެރެކުރަން ނިންމުމުން، އެކަމާ ގުޅިގެން އާންމުންގެ ފާޑުކިޔުން ސަރުކާރަށް އަމާޒުވާން ފެށެމުންނެވެ.
އެއް ގައުމަކުން އެންމެ ގިނައިން ބިދޭސީން ވަޒީފާ އަދާކުރުމަށް ރާއްޖެއަށް ގެނެވޭނެ އަދަދަކީ އެއްލައްކައެވެ. ރާއްޖޭގައި މިހާރުވެސް ލައްކައަކަށްވުރެ ގިނަ ބަންގްލަދޭޝް އެބައުޅެއެވެ.
އިކޮނޮމިކް މިނިސްޓްރީން މި އަހަރު ނެރުނު ފޮރިން ލޭބަރ ސްޓެސްޓިކްސް އެންޑް އެކްސްޕެޓް ސިސްޓަމް ރިޕޯޓުގައި ވާގޮތުން، ޑިސެމްބަރު މަހުގެ 12 ވަނަ ދުވަހާ ހަމައަށް 139،220 ބަންގްލަދޭޝް މީހުން ރާއްޖޭގައި މަސައްކަތް ކުރަމުން އެބަދެއެވެ. އިކޮނޮމިކް މިނިސްޓްރީގެ ވެބްސައިޓުން ކުރިން އެ މައުލޫމާތު ފެނުނުނަމަވެސް ސަރުކާރުން މިހާރު ވަނީ ހުރިހާ ރެކޯޑެއް ޑިލީޓްކޮށްފައެވެ.
