މީހަކު ރަހީނުކޮށް މާރާމާރީ ހިންގި މައްސަލައިގައި ތިން މީހަކު ހައްޔަރަށް
16 ޑިސެމްބަރު 2023 | ހޮނިހިރު 17:03މި މައްސަލައިގައި ހައްޔަރުކޮށްފައިވަނީ އުމުރުން 25، 26 އަދި 27 އަހަރުގެ ދިވެހި ފިރިހެނުން
ފުލުހުންގެ މައި ޢިމާރަތް
މީހަކު ރަހީނުކޮށް މާރާމާރީ ހިންގި މައްސަލައިގައި، ތުހުމަތުވާ ތިން މީހަކު ފުލުހުންގެ ހައްޔަރަށް ގެންގޮސްފި އެވެ.
ފުލުހުން މީޑިޔާއަށް ފޮނުވި މެސެޖެއްގައި ބުނީ ރަހީނުކޮށް މާރާމާރީ ހިންގި ކަމަށް ތުހުމަތުކުރެވޭ މައްސަލައަކާ ގުޅިގެން މި މަހުގެ 14 ވަނަ ދުވަހު ތިން ފިރިހެނަކު، ކޯޓު އަމުރެެއްގެ ދަށުން ހައްޔަރުކޮށްފައިވާ ކަމަށެވެ.
އެގޮތުން ހައްޔަރުކޮށްފައިވަނީ އުމުރުން 25، 26 އަދި 27 އަހަރުގެ ދިވެހި ފިރިހެނުން ކަމަށް ފުލުހުން ބުންޏެވެ.
އަދި ފުލުހުން ބުނީ އެ ތިން މީހުންގެ ބަންދާ މެދު ގޮތެއް ނިންމުމަށް ހުކުރު ދުވަހު ކޯޓަށް ހާޒިރުކުރުމުން ކޯޓުން ވަނީ 25 އަހަރުގެ ފިރިހެންމީހާގެ ބަންދަށް 12 ދުވަސް އަދި ބާކީ ތިބި ދެ މީހުންގެ ބަންދަށް ފަސް ދުވަހުގެ މުއްދަތު ދީފައި ކަމަށެވެ.
އަދި އެ މައްސަލަ މިހާރު އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.
