ސިފައިންގެ ވައިސް ޗީފަކަށް، ބްރިގޭޑިއަރ ޖެނެރަލް ޙިލްމީ އައްޔަންކުރައްވައިފި
13 ޑިސެމްބަރު 2023 | ބުދަ 11:29އެމްއެމްޑީއެފްގެ ސެންޓްރަލް އޭރިއާ ކޮމާންޑަރުކަން ވެސް ޙިލްމީ އަދާކުރެއްވި
ސިމާހާ ނަސީމް | 13 ޑިސެމްބަރު 2023 | ބުދަ 11:29
ބްރިގޭޑިއަރ ޖެނެރަލް ޙިލްމީ
ވައިސް ޗީފް އޮފް ޑިފެންސް ފޯސްގެ މަގާމަށް, ބްރިގޭޑިއަރ ޖެނެރަލް އިބްރާހީމް ޙިލްމީ އައްޔަންކުރައްވައިފިއެވެ.
ރައީސް ޑރ. މުޙައްމަދު މުޢިއްޒު މިއަދު ވަނީ، ބްރިގޭޑިއަރ ޖެނެރަލް ޙިލްމީ ވައިސް ޗީފުގެ މަގާމަށް އައްޔަންކުރައްވާފައެވެ. ކުރިން ސިފައިންގެ ވައިސް ޗީފްގެ މަގާމުގައި ހުންނެވީ، މިހާރު ޗީފް އޮފް ޑިފެންސް ފޯސްގެ މަގާމުގައި ހުންނެވީ ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފެވެ.
ސިފައިންގެ ވައިސް ޗީފަކަށް، ބްރިގޭޑިއަރ ޖެނެރަލް ޙިލްމީ އައްޔަންކުރައްވާފައި ވާއިރު، ދިވެހި ސިފައިންގެ ޚިދުމަތަށް ދިގު މުއްދަތަށް ޚިދުމަތްކުރެއްވުމަށްފަހު، މޭޖަރ ޖެނެރަލް ވައިޘް ވަޙީދާއި މޭޖަރ ޖެނެރަލް ޙާމިދު ޝަފީޤުވެސް ވަނީ ޚިދުމަތުން ރިޓަޔަރ ކުރައްވާފައެވެ.
