މަޖިލީހުގެ ދައުރު 18 ވަނަ ދުވަހާ ހަމައަށް އިތުރުކުރަން ފާސްކޮށްފި
މަޖިލީހުގެ މަސައްކަތް ބުރާސްފަތި ދުވަހާ ހަމައަށް ކުރިއަށް ގެންދިއުމަށް މިދިޔަ މަހުގެ 27 ވަނަ ދުވަހު ވެސް ފާސްކޮށްފައިވޭ
ދައުރު ދިގުދައްމާލަންރައްޔިތުންގެ މަޖިލީހުގެ ރައީސް މުހައްމަދު އަސްލަމް
ރައްޔިތުންގެ މަޖިލީހުގެ މި ދައުރު މި މަހުގެ 18 ވަނަ ދުވަހާ ހަމައަށް އިތުރުކުރަން ބުދަ ދުވަހު ފާސްކޮށްފިއެވެ.
މަޖިލީހުގެ މިއަހަރުގެ 3 ވަނަ ދައުރުގެ މުއްދަތު އިތުރުކުރުމަށް ހުށަހެޅުއްވީ ރިޔާސަތުން، މަޖިލީހުގެ ރައީސް މުހައްމަދު އަސްލަމެވެ. މީގެ ކުރިން މަޖިލީހުގެ މަސައްކަތްތައް ނިންމާ ޗުއްޓީއަށް ދިއުމަށް ނިންމާފައިވަނީ ބުރާސްފަތި ދުވަހުއެވެ.
މަޖިލީހުގެ މިދައުރު މިމަހުގެ 18 ވަނަ ދުވަހުގެ ނިޔަލަށް އިތުރު ކުރުމާމެދު މެންބަރުންނަށް ފެނިވަޑައިގަންނަވާ ގޮތަކަށް ވޯޓު ދެއްވުމަށް ރިޔާސަތުން ހުޅުވާލުމުން ފާސްވީ ވޯޓު ދެއްވި 43 މެންބަރުންގެ އިއްތިފާގުންނެވެ.
މަޖިލީހުގެ މި ދައުރު ދިގުދަންމާލަން ނިންމާފައި ވަނީ 2024ގެ ބަޖެޓު ފާސްކުރުމާއި އަދި އެ ނޫންވެސް މުހިންމު މަސައްކަތްތައް ނުނިމި ހުރުމުން މަޖިލީހުގެ މަސައްކަތްތަކަށް ފުރުސަތު ދިނުމުގެ ގޮތުންނެވެ.
މިހާރު މަޖިލީހުގެ ހުރި މަސައްކަތްތަކަށް ބަލާއިރު އެންމެ މުހިންމު ކަމެއްގެ ގޮތުގައި ހުރީ އަންނަ އަހަރުގެ ދައުލަތުގެ ބަޖެޓްގެ މަސައްކަތާއި އައު ސަރުކާރުގެ ވަޒީރުންނަށް ރުހުން ދިނުމުގެ މައްސަލައެވެ.
