އައްޑޫގައި ގްރޫޕް މާރާމާރީއެއް ހިންގައިފި، އެކަކުގެ ހާލު ސީރިއަސް
2 ޑިސެމްބަރު 2023 | ހޮނިހިރު 11:56މާރާމާރީގައި ޒަޚަމްވީ އުމުރުން 30 އަހަރުގެ ދިވެހި ފިރިހެނެއް
ސިމާހާ ނަސީމް | 2 ޑިސެމްބަރު 2023 | ހޮނިހިރު 11:56
އައްޑޫ ޕޮލިސް ސްޓޭޝަން
އައްޑޫސިޓީގައި ގްރޫޕް މާރާމާރީއެއް ހިންގައިފިއެވެ.
ފުލުހުން ބުނީ ހުކުރު ދުވަހުގެ ރޭ ވަގުތެއްގައި ހިންގި މާރާމާރީގައި 30 އަހަރުގެ ދިވެހި ފިރިހެނަކަށް ތޫނު އެއްޗަކުން ހަމަލާ ދީފައިވާކަމަށެވެ.
ޒަޚަމްވި މީހާއަށް އައްޑޫ އިކުއެޓޯރިއަލް ހޮސްޕިޓަލުގައި ފަރުވާދެމުން އަންނައިރު، އޭނާގެ ހާލު ސީރިއަސްކަމަށް ހޮސްޕިޓަލުން ވަނީ ބުނެފައިވާކަމަށް ފުލުހުން ބުނެއެވެ.
މައްސަލައިގެ އިތުރު ތަފްސީލު ފުލުހުން ހާމަކޮށްފައި ނުވާއިރު، މައްސަލަ އިތުރަށް ބަލަމުން ދާކަަމަށްވެސް ވަނީ ބުނެފައެވެ.
