ޖޯޖް ފްލޮއިޑްގެ މަރުގެ މައްސަލައިގައި ހައްޔަރުކުރި ފުލުސް އޮފިސަރަށް ޙަމަލާދިން ޤައިދީއަށް ދައުވާކޮށްފި

 އެމެރިކާގައި މަރާލި ޖޯޖް ފްލޮއިޑްގެ މަރުގެ މައްސަލައިގައި ހިމެނޭ ޑެރެކް ޗައުވިންއަށް ޖަލުން ޙަމަލާދިން މީހަކަށް ދައުވާކޮށްފިއެވެ.

މި މައްސަލައިގައި 2021 ވަނަ އަހަރުގެ އޭޕްރިލް މަހު ޑެރެކް ޗައުވިންއަށް އިއްވާފައިވަނީ 22 އަހަރާއި ހަ މަހުގެ ޖަލު ހުކެމެކެވެ.

އޭނާ ޖަލު ޙުކުމުގައި ހުއްޓައި ޖަލުގައި ހުރި އެހެން ޤައިދީއަކު ވަނީ އޭނާއަށް ވަޅިން ޙަމަލާދީފައެވެ. އެގޮތުން ޑެރެކްއަށް ޙަމަލާ ދީފައިވަނީ އުމުރުން 30 އަހަރުގެ ފިރިހެނެކެެވެ.

އޭނާ ވަނީ 22 ފަހަރު ޑެރެކް ގަޔަށް ވަޅި ހަރާފައެވެ. ކަރެކްޝަންސްގެ އޮފިސަރުން ނައިނަމަ، އޭނާގެ ފުރާނަ ދުއްވާލާނެކަމަށް އެމީހާ ވަނީ ބުނެފައެވެ.

އޭނާގެ މައްޗަށް މިހާރު ވަނީ މީހަކު މަރާލުމަށް މަސައްކަތް ކުރުމުގެ ކުށުގެ ދައުވާއާއި އަދިވެސް އިތުރު ދައުވާތަކެއް އުފުލާފައެވެ.