އައްޑޫއިން ގެއްލިގެން ހޯދަމުން ދިޔަ މީހާ ފެނިއްޖެ
ވިސާމާ ފެނުނީ މާލެއިން ކަމަށް ފުލުހުން ބުނި
ގެއްލިގެން ހޯދަމުން އައި ސ. ހިތަދޫ / ކަދުރުމާގެ، އާއިޝަތު ވިސާމާ
އައްޑޫ ސިޓީ ހިތަދޫން ގެއްލިގެން ހޯދަމުންދިޔަ އަންހެންމީހާ ފެނިއްޖެއެވެ.
ސ. ހިތަދޫ / ކަދުރުމާގެ، އާއިޝަތު ވިސާމާ (39އ) ގެއްލިގެން ހޯދުމަށް ފުލުހުން އިއުލާން ކުރީ ހުކުރު ދުވަހުއެވެ. އެގޮތުން، ވިސާމާ އާއިލާއަށް ޚަބަރެއްނުވެ ގެއްލިފައިވާ ކަމަށް ނޮވެމްބަރު 19 ވަނަ ދުވަހު ރިޕޯޓުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ އާއިޝަތު ވިސާމާ ނޮވެމްބަރު 16 ވަނަ ދުވަހު މާލެ ދިޔަ ކަމަށާއި އޭނާގެ ޚަބަރެއް އެންމެ ފަހުން ވެފައިވަނީ ނޮވެމްބަރު 18 ވަނަ ދުވަހު ފޯނުންކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށެވެ.
ވިސާމާ ހޯދަމުންދަނިކޮށް އޭނާ މާލެއިން ފެނިފައިވާ ކަމަށް ހުކުރު ދުވަހުގެ ރޭ ފުލުހުން ވަނީ ބުނެފައެވެ. އޭނާގެ ހާލު ރަނގަޅު ކަމަށް ވެސް އެ އިދާރާއިން ބުންޏެވެ.
