ކާރެއް ކޮންޓްރޯލުނުވެ ގޮސް ސައިކަލުތަކެއްގައި ޖެހި އެކްސިޑެންޓްވެއްޖެ
މި އެކްސިޑެންޓް ހިނގާފައިވަނީ ހޯމަ ދުވަހުގެ ރޭ 19.40ހާއިރު
އަޙްމަދު ސަދޫފް މޫސާ | 20 ނޮވެމްބަރު 2023 | ހޯމަ 17:30
ހުޅުމާލޭ ހޮސްޕިޓަލް
ހުޅުމާލޭ ސެންޓްރަލް ޕާކު ކައިރިން ބާރު ސްޕީޑުގައި ދުއްވާފައި ދިޔަ ކާރެއް ކޮންޓްރޯލްނުވެ ގޮސް، ތިން ސައިކަލުގައި ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓުގެ މައުލޫމާތު ދެމުން ފުލުހުން ބުނިގޮތުގައި، މި އެކްސިޑެންޓް ހިނގާފައިވަނީ ހޯމަ ދުވަހުގެ ރޭ 19.40ހާއިރުއެވެ. މި އެކްސިޑެންޓުގައި ތިން ސައިކަލުގެ ތެރެއިން ދެ ސައިކަލުގައި ތިބި ދެ ފިރިހެނަކަށާއި އަންހެނަކަށް އަނިޔާވެގެން ހުޅުމާލޭ ހޮސްޕިޓަލުގައި ދަނީ ފަރުވާދެމުންނެވެ.
އޭގެތެރެއިން ދެ މީހުންގެ ހާލު ސީރިއަސް ކަމަށް ފުލުހުން މައުލޫމާތު ދީފައިވެއެވެ.
އެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.
