ސަރުކާރުގެ ބައެއް އިސް މަގާމުތަކަށް ބޭފުޅުން އައްޔަންކުރައްވައިފިއެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ސަރުކާރުގެ ބައެއް އިސް މަގާމުތަކަށް ބޭފުޅުން އައްޔަންކުރައްވައިފިއެވެ

މިގޮތުން, އެމަނިކުފާނު ވަނީ، މިނިސްޓަރ އެޓް ދަ ޕްރެޒިޑެންޝަލް ޕެލަސްގެ މަގާމަށް ގަލޮޅު ވަށަފަރު އިގްބާލް އާދަމް، މިނިސްޓްރީ އޮފް ފޮރިން އެފެއާޒްގެ އެމްބެސެޑަރ އެޓް ލާރޖްގެ މަގާމަށް މާފަންނު ކޮތަންމާގޭ މުހައްމަދު ހުސައިން ޝަރީފް އައްޔަންކުރައްވާފައެވެ.

އަދި ޗީފް އޮފް ސްޓާފް އެޓް ދަ ވައިސް ޕްރެސިޑެންޓްސް ރެޒިޑެންސްގެ މަގާމަށް ތިލަދުންމަތީ އުތުރުބުރީ ވަށަފަރު ބްލޫހައުސް މުހައްމަދު ވަހީދު ހަސަން ވަނީ އައްޔަންކުރައްވާފައެވެ. ނޭޝަނަލް ސެންޓަރ ފޮރ އިންފޮރމޭޝަން ޓެކްނޮލޮޖީ ހިންގެވުމުގެ އިސް ބޭފުޅަކަށް، މިނިސްޓަރ އޮފް ސްޓޭޓް ފޮރ ހޯމް ލޭންޑް ސެކިއުރިޓީ އެންޑް ޓެކްނޮލޮޖީ މައްޗަންގޮޅީ ބޮޑުދަހަރާގޭ ޑޮކްޓަރ މުހައްމަދު ކިނާނަތު އައްޔަންކުރައްވާފައި ވާއިރު، ކޮންޓްރޯލަރ ޖެނެރަލް އޮފް އިމިގްރޭޝަންގެ މަގާމަށް ގަލޮޅު ލިޓޯނިޔާ މުހައްމަދު ޝަމްއާން ވަހީދު ވަނީ ހަމަޖައްސަވާފައެވެ.

މީގެ އިތުރުން، ދިވެހިރާއްޖޭގެ ގައުމީ ޔުނިވަރސިޓީގެ ޗާންސެލަރުގެ މަގާމަށް މާފަންނު ލައިޓްކޯނަރ-4 ޑޮކްޓަރ މަހްމޫދު ޝައުގީ، ދިވެހިރާއްޖޭގެ ގައުމީ ޔުނިވަރސިޓީގެ ވައިސް ޗާންސެލަރުގެ މަގާމަށް މާފަންނު އެމޭޒަން ޑޮކްޓަރ އާއިޝަތު ޝެހެނާޒު އާދަމް، އަދި ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރުގެ މަގާމަށް މާފަންނު ހިތިމާގޭ ޑޮކްޓަރ އަލީ ޒާހިރު ވަނީ އައްޔަންކުރައްވާފައެވެ.