ފާއިތުވެދިޔަ ފަސް އަހަރު ހާރިޖީ ސިޔާސަތަށް ގިނަ ކާމިޔާބީތަކެއް ހޯދިފައިވޭ: ޝާހިދު
ޚާރިޖީ ޓީމަކީ އެފަދަ ދެވަނައެއް ނެތް ޓީމެއް
ނިމުނު ސަރުކާރުގެ ފޮރިން މިނިސްޓަރު އަބްދުﷲ ޝާހިދު ޚާރިޖީ ޓީމާއެކު
ފާއިތުވެދިޔަ ފަސް އަހަރު ހާރިޖީ ސިޔާސަތަށް ގިނަ ކާމިޔާބީތަކެއް ހޯދިފައިވާ ކަމަށް ނިމުނު ސަރުކާރުގެ ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
ޚާރިޖީ ޓީމަށް ޚާއްސަ ޝުކުރެއް ދަންނަވާ ޝާހިދު ވިދާޅުވީ މިނިސްޓްރީ އޮފް ފޮރިން އެފެއާޒަކީ ވަރަށް ޚާއްސަ ތަނެއް ކަމަށާއި، ފޮރިން މިނިސްޓަރުގެ ގޮތުގައި ދެވަނަ ފަހަރަށް ޚިދުމަތްކުރުމަށް ފުރުސަތު ލިބުނުކަމީ ލިބުނު ޚާއްސަ ފަޚުރެއް ކަމަށެވެ. އަދި މިކަން އިތުރަށް ޚާއްސަވެގެން ދިޔައީ ޓީމް ޚާޜިޖީއިން މަސައްކަތުގައި ގެންގުޅުނު ޕްރޮފެޝަނަލިޒަމްއާއި، ދެއްކި ހުނަރާއި، ކޮންމެ ގޮންޖެހުމަކާވެސް ކުރިމަތިލި ކުޅަދަނާކަން ކަމަށް ޝާހިދު ވިދާޅުވިއެވެ.
ޝާހިދު ވިދާޅުވީ ޚާރިޖީ ޓީމަކީ އެފަދަ ދެވަނައެއް ނެތް ޓީމެއް ކަމަށެވެ. އަދި ވިދާޅުވީ މި ވޭތުވެދިޔަ 5 އަހަރު އެކުގައި ހޯދުނު ގިނަ ކާމިޔާބީތަކާމެދު ފަޚުރުވެރިވާ ކަމަށެވެ.
ފާއިތުވެދިޔަ ފަސް އަހަރު ހާރިޖީ ސިޔާސަތަށް ގިނަ ކާމިޔާބީތަކެއް ހޯދިފައިވާ ކަމަށް ޝާހިދު ވިދާޅުވެފައިވާއިރު، ކުރީގެ ރައީސް އިބްރާހިމް މުހައްމަދު ސާލިހުގެ ސަރުކާރުގައި އެންމެ ބޮޑު އަހަންމިއްޔަތުކަމެއް ދީގެން ކުރި އެއް މަސައްކަތަކީ ދުނިޔޭގެ ހުރިހާ ގައުމަކާއެކު ޑިޕްލޮމެޓިކް ގުޅުން ގާއިމުކުރުން ކަމަށް ޝާހިދު ވިދާޅުވެފައިވެއެވެ.
އެގޮތުން ދުނިޔޭގެ 193 ގައުމުގެ ތެރެއިން 95 ގައުމަކަށް ކުރިން ވިސާނެތި ދިވެހި ޕާސްޕޯޓުގައި ދަތުރުކުރެވޭނެ ކަމަށް ޝާހިދު ވިދާޅުވިއެވެ. އަދި މިސަރަހައްދުގައި އެންމެ ބާރު ގަދަ ޕާސްޕޯޓް އޮތީ ދިވެހިންގެ އަތުގައިކަމަށް ވެސް ޝާހިދު ވިދާޅުވިއެވެ.
