ރައްޔިތުންގެ ހައްގުތަކަށް އުނިކަން އަންނަ ކަންކަން ހިނގާތީ ކަންބޮޑުވަން: އެޗްއާރްސީއެމް
24 ޖުލައި 2017 | ހޯމަ 17:05ގާނޫނުތަކަށް ހުރުމަތްތެރިކޮށް ހިތުމަށް ވަނީ ގޮވާލައްވާފަ
މެންބަރު އިބޫ މަޖިލީސް ކައިރިއަށް ވެއްޓިފައި
ރައްޔިތުންގެ ހައްގުތަކަށް އުނިކަމެއް ލިބިދާނެފަދަގޮތަކަށް ކަންކަން ހިނގުމަށް މެދުވެރިވަމުންދިއުމަކީ އެ ކޮމިޝަނުން އިހްތިހާއަށް ކަންބޮޑުވާ ކަމެއް ކަމަށް، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ބުނެފި އެވެ.
އެޗްއާރްސީއެމް އިން ނެރުނު ބަޔާނުގައި ބުނެފައިވަނީ، ދިވެހިރާއްޖޭގެ ފަދަ އިސްލާމީ އަދި ދިމިކްރާތީ ނިޒާމެއް ގާއިމްކުރެވިފައިއޮތް މުޖުތަމައުއެއްގައި އެ ނިޒާމް ދެމެހެއްޓުމަށް ގާނޫނު އަސާސީއިން މަތިކޮށްފައިވާ މުއައްސަސާތަކުގެ މެދުގައި ހިޔާލު ތަފާތުވެފައިވާ ކަމަށް ރައްޔިތުންނަށް ދޭހަވާނެ ފަދަ ގޮތަކަށް މައުލޫމާތު މެދުވެރިވަމުން ދިއުމަކީ އެ ކޮމިޝަނުން އިންތިހާއަށް ކަންބޮޑުވާ ކަމެއް ކަމަށް އެ ކޮމިޝަނުން ބުނެ އެވެ.
މިފަދަ ދަނޑިވަޅުތަކުގައި ގާނޫނު އަސާސީއާއި ގާނޫނުތަކާއި ގަވައިދުތަކަށް ހުރުމަތްތެރިކޮށް ހިތައި، މުޖުތަމައުގެ ފަރާތްތަކުން، ނުހިންގުމަށް އެޗްއާރްސީއެމްއިން ވަނީ އިސްލތިމާސްކޮށްފަ އެވެ.
މިހާރު ހިނގަމުންދާ ކަންކަން ކޮމިޝަނުން ވަރަށް ގާތުން ބަލަމުންދާ ކަމަށާއި ކޮމިޝަނުގެ މަސްއޫލިއްޔަތު އަދާކުރުމަށް ކުރަންޖެހޭ އެންމެހާއި ކަންކަން ކުރަމުންދާ ކަމަށް އެ ކޮމިޝަނުން ބުނެ އެވެ.
