ޖުމްހޫރީ ވެރިކަމުގެ ފޮނި މީރުކަން ލިބިގެންދާނީ، ރައްޔިތުންނާއި ސަރުކާރާއި، ގުޅިގެން މަސައްކަތްކޮށް، ގައުމު އިސްކޮށްގެން: އިންތިޚާބީ ރައީސް

ޖުމްހޫރީ ވެރިކަމުގެ ފޮނި މީރުކަން ލިބިގެންދާނީ، ރައްޔިތުންނާއި ސަރުކާރާއި، ގުޅިގެން މަސައްކަތްކޮށް، ގައުމު އިސްކޮށްގެންކަމަށް އިންތިޚާބީ ރައީސް ވިދާޅުވެއްޖެއެވެ.

ޖުމްހޫރީ ދުވަހާއި ގުޅިގެން ހުކުރު ދުވަހުގެ ރޭ، އިންތިޚާބީ ރައީސް ޑރ. މުހައްމަދު މުއިއްޒު ގައުމާއި މުޚާތަބުކުރައްވާ ވިދާޅުވީ، ޖުމްހޫރީ ވެރިކަމުގެ ފޮނި މީރުކަން ރައްޔިތުންނަށް ލިބިގެންދާނީ، ރައްޔިތުންނާއި ސަރުކާރާއި، ގުޅިގެން ގައުމު އިސްކޮށްގެން މަސައްކަތްތަކެއް ކުރެވިގެންކަމަށެވެ. އަދި މިއަދާއި ހަމައަށް ޖުމްހޫރީ ނިޒާމު ގެނެސްދެއްވުމުގައި މަސައްކަތްކުރެއްވި ހުރިހާ ބޭފުޅުންނަށް އިންތިޚާބީ ރައީސް ވަނީ ޝުކުރު އަދާކުރައްވާފައެވެ.

ގައުމަށް ހަމަޖެހުން ބޭނުންވާކަމަށާއި، ގައުމު ކުރިއެރުވުމަށް އެންމެން އެކަތިގަނޑަކަށްވެ މަސައްކަތްކުރަންޖެހޭކަމަށާއި، އެގޮތުގައި ހުރިހާ ބޭފުޅުންވެސް މަަސައްކަތްކުރެއްވުމަށް އިންތިޚާބީ ރައީސް ވަނީ އިލްތިމާސްކުރައްވާފައެވެ. އިންތިޚާބީ ރައީސް ގެ ޚިޠާބުގައި ހުރިހާ ރައްޔިތުންނަށްވެސް ދުވަހުގެ ހެޔޮއެދުމާއި ތަހުނިޔާ ވަނީ އަރިސްކުރައްވާފައެވެ.