އިންވެސްޓިގޭޝަން އަދި ޕްރިވެންޝަން ދާއިރާގެ މުވައްޒަފުންނަށް ކެޕޭސިޓީ ބިލްޑިންގ ޕްރޮގްރާމެއް ބާއްވައިފި
10 ނޮވެމްބަރު 2023 | ހުކުރު 07:13މިއީ އިންޑިނޭޝިއާގެ ކޭޕީކޭއިން ކުރިއަށްގެންދިޔަ ޕްރޮގްރާމެއް
ކޭޕީކޭއިން ކުރިއަށްގެންދިޔަ ކެޕޭސިޓީ ބިލްޑިންގ ޕްރޮގްރާމުގެ ބައިވެރިންތަކެއް
އިންވެސްޓިގޭޝަން އަދި ޕްރިވެންޝަން ދާއިރާގެ މުވައްޒަފުންނަށް ޚާއްސަކޮށްގެން ކެޕޭސިޓީ ބިލްޑިންގ ޕްރޮގްރާމެއް ބާއްވައިފިއެވެ.
މިއީ މި މަހުގެ 6 އިން 9 އަށް އިންޑޮނޭޝިއާގެ ކޮރަޕްޝަން އިރެޑިކޭޝަން ކޮމިޝަން (ކޭޕީކޭ)ގެ ވަފުދުގެ ޒިޔާރަތްކުރުމުގެ ތެރެއިން ކުރިއަށްގެންދިޔަ ތަމްރީނު ޕްރޮގްރާމެކެވެ.
ކޭޕީކޭގެ ތަޖުރިބާކާރު ބޭފުޅުން ކުރިއަށްގެންދިޔަ މި ޕްރޮގްރާމުގައި، އިންޑޮނޭޝިއާގައި އެސެޓް ރިކަވަރީގެ މަސައްކަތް ކުރެވޭ ގޮތާއި ރިޝްވަތުގެ ކުށް ތަހުގީގުކުރުމާއި، ކޮރަޕްޝަނާ ދެކޮޅަށް ބައިނަލްއަގުވާމީ ފެންވަރުގައި ކުރެވޭ މަސައްކަތްތަކުގެ އިތުރުން، ކޮރަޕްޝަނާ ދެކޮޅަށް ކޭޕީކޭއިން ކުރަމުންގެންދާ މަސައްކަތްތަކާއި އެކޮމިޝަނުން ކޮށްފައިވާ ބޮޑެތި ތަހުޤީގުތަކާއި އެބޭފުޅުންގެ ތަޖުރިބާ ވަނީ ހިއްސާކޮށްފައެވެ.
ދެ ދުވަހުގެ މި ޕްރޮގްރާމްގައި ތަހުގީގުކުރުމުގެ ދާއިރާއާއި ޕްރިވެންޝަން ދާއިރާގައި އެކި އިދާރާތަކުގައި މަސައްކަތްކުރާ 30 މުވައްޒަފުން ބައިވެރިވި ކަމަށް އޭސީސީން ބުނެއެވެ.
އޭސީސީގެ އިތުރުން މި ޕްރޮގްރާމުގައި ފުލުހުންގެ ޚިދުމަތާއި، ޕީޖީ އޮފީސް، ކަސްޓަމްސް، މިނިސްޓްރީ އޮފް ފައިނޭންސް، މީރާ، އަދި ޓްރާންސް ޕޭރަންސީ މޯލްޑިވްސްއިން މުވައްޒަފުން ބައިވެރިވިއެވެ.
