ފަލަސްތީނާއެކު ދިވެހިން ތިބިކަން ހާމަކުރުމުގެ ގޮތުން "ކަނބަލުންގެ ހިނގާލުން" ހުކުރު ދުވަހު ބާއްވައިފި

ފަލަސްތީނާއެކު ދިވެހިން ތިބިކަން ހާމަކުރުމުގެ ގޮތުން "ކަނބަލުންގެ ހިނގާލުން" ހުކުރު ދުވަހު ބާއްވައިފިއެވެ.

މި ހިނގާލުމަކީ އިސްރާ އެސޯސިއޭޝަނުން މަހަލްދީބު ޖަމިއްޔާ އާއި ކޭކް ޑޯނާސްގެ އިތުރުން ރައިޓް މޫވްމަންޓްސް އާއި މަމްސް އެއިޑާއި ގުޅިގެން ބޭއްވި ހިނގާލުމެކެވެ. އެ ހިނގާލުމުގައި ބައިވެރިން ތިބީ ފަލަސްތީނާއި އެކުކަން އަންގާދިނުމަށް ތަފާތު އެކި ޕޯސްޓަރތަކާއި މެސެޖުތައް ލިޔެފައިވާ ލިޔުންތައް ހިފައިގެންނެވެ.

އަންހެން ކަނބަލުންނަށް ޚާއްސަ މި ހިނގާލުން ހުކުރު ދުވަހު ކުރިއަށްދިޔައީ 16:00 އިން 17:45ށް ރަސްފަންނުން ފެށިގެން އާޓިފިޝަލް ބީޗާ ހަމައަށެވެ.

މި ހިނގާލުމަށް ފަހު އެ ސަރަޙައްދަށް ހިނގާލުމުގެ އެންމެހައި ކަނބަލުން އެއްވުމަށް ފަހު ވަނީ ޚާއްސަ ދުޢާއެއް ކޮށްފައެވެ.

ކޭކް ޑޯނަރސް އިން ވަނީ މީގެ ކުރިން ވެސް ފަލަސްތީނަށް އެހީވުމަށް އެކި ހަރަކާތްތައް ހިންގާފައެވެ.