ދިރާގުގެ ހިއްސާއަކަށް 5.96 ރުފިޔާ
ޑިވިޑެންޓްގެ ގޮތުގައި 452,960,000ރ. ހިއްސާދާރުންނަށް ބަހަން ބޯޑުން ވަނީ ނިންމާފައި
ތަހާރަތު މުހައްމަދު ވަހީދު | 24 ޖުލައި 2017 | ހޯމަ 04:26
ދިރާގުން މިއަހަރު ބޭއްވި އަހަރީ އާންމު ޖަލްސާގެ ތެރެއިން
އިންޓަރިމް ޑިވިޑަންޑްގެ ގޮތުގައި ހިއްސާއަކަށް 5.96 ރުފިޔާ ބަހަން ދިރާގުން ނިންމައިފިއެވެ.
އެކުންފުނިން ނެރުނު އިއުލާނުގައި ބުނެފައި ވަނީ (ހަތަރުސަތޭކަ ފަންސާސް ދެ މިލިއަން ނުވަ ލައްކަ ފަސްދޮޅަސް ހާސް) 452,960,000ރ. ހިއްސާދާރުންނަށް ބަހަން ބޯޑުން ނިންމާފައިވާ ކަމަށެވެ.
ޑިވެންޑް ދޫކުރުމަށް ހަމަޖައްސާފައި ވަނީ ޖުލައި 29 ، 2017 ވަނަ ދވަހުގެ 16:00 ގެ ކުރިން ހިއްސާދާރެއްގެ ގޮތުގައި ރަޖިސްޓްރީވާ ފަރާތްތަކަށް ކަމަށް ވެސް ދިރާގުން ބުނެއެވެ.
ދިރާގަކީ ރާއްޖޭގެ މުއާސަލާތީ ޚިދުމަތް ދޭ ދެ ކުންފުނީގެ ތެރެއިން އެންމެ ގިނަ ކަސްޓަމަރުން ހިމެނޭ ކުންފުންޏެވެ.
