މިފްކޯ އިން ދިވެހި މަސްވެރިކަމުގެ ސިނާއަތުގައި ހިދުމަތްކުރާތާ 30 އަހަރު ފުރުން ފާހަގަކުރުމުގެ ގޮތުން އެ ކުންފުނީގެ ލޯގޯ ބަދަލުކޮށްފިއެވެ.
މިފްކޯގެ އާ ލޯގޯގައި ބޭނުން ކޮށްފައިވަނީ، އެ ކުންފުނީގެ ނަން ރަމްޒުކޮށްދޭ ތާނަ އަކުރުތަކެވެ. މި ލޯގޯ ފާސްކުރީ މިދިޔަ ޖޫން މަހު އެ ކުންފުނީގެ ބޯޑުންނެވެ. މި ލޯގޯ މި މަހުން ފެށިގެން މިފްކޯއިން ވަނީ ބޭނުން ކުރަން ފަށާފައެވެ.
މިފްކޯއިން ބުނީ އަލަށް ތައާރަފް ކުރި ލޯގޯ ފަރުމާކުރީ ފަންނީ ތަޖުރިބާކާރުންނާ އެކު ގިނަ މަސައްކަތްތަކެއް ކުރެވި، ކުރީގެ ލޯގޯގެ ކުލަތައް ބޭނުންކޮށްގެން ކަމަށެވެ.
މިފްކޯއިން ބުނީ އެކުންފުނީގެ ބްރޭންޑް "ފަސްމީރު" ގައި ވެސް ދިވެހިވަންތައް އާދަކާދަތަކާއި ސަގާފަތް ހިމެނޭ ފަދަ މަންޒަރުތައް ކުރިއަށް އޮތްތަނުގައި ހިމަނާނެ ކަމަށެވެ.
