މާލެ ސަރަޙައްދުގައި އެމްއެންޑީއެފްގެ ތަމްރީނުތަކެއް ކުރިއަށްގެންދަނީ
ތަމްރީނުތައް ކުރިއަށްދާނީ 2023 ނޮވެމްބަރު 01ން 05ށް
ލައިޝާ އަހްމަދު | 2 ނޮވެމްބަރު 2023 | ބުރާސްފަތި 05:43
ސިފައިން- ތަމްރީނެއްގެ ތެރެއިން
މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) އިން 2023 ނޮވެމްބަރު 01 އިން 05 އަށް އަސްކަރީ ތަމްރީނުތަކެއް ކުރިއަށްދާކަމަށް އެ އިދާރާއިން ބުނެފިއެވެ.
އެމްއެންޑީއެފުން ބުނީ، ތަމްރީނުތައް ކުރިއަށްދާނީ 2023 ނޮވެމްބަރު 01ން 05ށް ކަމަށެެވެ.
ތަމްރީނު ކުރިއަށްދާނީ ކ.މާލެ، ހުޅުމާލެ ފޭސް1 އަދި ފޭސް2، ވެލާނާ އިންޓަނޭޝަނަލް އެއާރޕޯޓް އަދި މާލެ ކައިރި ކަނޑުގެ ސަރަޙައްދުގައެވެ.
މި ތަމްރީނުތަކުގައި ސިފައިން ހަތިޔާރާއެކު ހަރަކާތްތެރިވެ، ސިމިއުލޭޝަންގެ ގޮތުގައި ސިފައިން ބޭނުންކުރާ ހަތިޔާރާއި ބްލޭންކް ވަޒަން ބޭނުންކުރުމަށް ހަމަޖެހިފައިވާކަމަށް އެމްއެންޑީއެފުން ބުނެއެވެ.
