ލިވަޕޫލް ލީގު ކަޕް ކްއާޓާ ފައިނަލަށް
ބޯންމައުތާ ވާދަކޮށް ކުރި ހޯދީ 2-1 ން
ލިވަޕޫލް މޮޅުކޮށްދިން ލަނޑު ޖެހުމަށްފަހު ނޫނޭޒް: ފޮޓޯ-ރޮއިޓަރސް
އިނގިރޭސި ލީގު ކަޕް (ކަރަބާއޯ ކަޕް) ގެ ކްއާޓާ ފައިނަލުން ލިވަޕޫލް ޖާގަ ހޯދައިފިއެވެ.
ލިވަޕޫލް ކްއާޓާ ފައިނަލަށް ދަތުރުކުރީ ހަތަރު ވަނަ ބުރުގައި 2-1 ން ބޯންމައުތް ބަލިކޮށްގެންނެވެ. މެޗުގެ ފުރަތަމަ ހާފްގައި ލިވަޕޫލަށް ލީޑް ނަގައިދިނީ ގަކްޕޯއެވެ. އެކަމަކު ދެވަނަ ހާފް ޖަސްޓިން ކްލައިވަޓް ލަނޑެއް ޖަހާ ވެސްޓް ހޭމްއަށް ނަތީޖާ ހަމަހަމަކޮށްދިނެވެ. މިއީ ރޯމާއިން ވެސްޓް ހޭމްއަށް ބަދަލުވި ފޯވާޑް އާ ކްލަބަށް ޖަހައިދިން ފުރަތަމަ ލަނޑެވެ. ލިވަޕޫލް ކްއާޓާ އަށް ގެންގޮސް ދިނީ ބަދަލަކަށް ނިކުއިން އުރުގުއޭގެ ފޯވާޑް ޑާވިން ނޫނޭޒް ލަނޑު ޖަހައިގެންނެވެ.
ކްއާޓާ ފައިނަލްގައި ލިވަޕޫލް ވާދަކުރަން ޖެހޭނީ ވެސްޓް ހޭމް ޔުނައިޓެޑާއެވެ. ވެސްޓް ހޭމް ކްއާޓާ ފައިނަލަށް ދަތުރުކުރީ 3-1 ން ވަރުގަދަ އާސެނަލް ބަލިކޮށްގެންނެވެ.
