ރޯޑް ޑެވެލޮޕްމެންޓް ކޯޕަރޭޝަން ލިމިޓެޑްގެ މެނޭޖިން ޑިރެކްޓަރު، މޫސާ އަލީ މަނިކަށް ހަމަލާދީ މާރާމަރީ ހިންގި މައްސަލައެއް ފެންމަތިވެ، އެފަދަ މައްސަލައެއް ބަލަމުންދާ ކަމަށް ފުލުހުން ބުނެފި އެވެ.
ހޯމަ ދުވަހު މޫސަ ކުރެއްވި ޓްވީޓެއްގައި ވިދާޅުވީ ހޯމަ ދުވަހުގެ ހަވީރު ދަރިފުޅާއެކު ސައިކަލުގައި އިންނަވަނިކޮށް، ހަޑިހުތުރު ބަހުން ވާހަކަ ދައްކައި މީހަކު އޭނާއަށް މަރުގެ އިންޒާރުދީ، މާރާމާރީ ހިންގާފައި ކަމަށެވެ. އަދި އެ މައްސަލަ މިހާރު ފުލުހަށް ހުށަހަޅުއްވާފައިވާ ކަމަށް މޫސާ ވިދާޅުވި އެވެ.
އިންޒާރު ދިން މީހާގެ ފޮޓޯއެއް އެ ޓްވީޓުގައި ހިމެނުއްވި ނަމަވެސް، އިތުރު ތަފްސީލެއް މޫސަ ދެއްވާފައެއް ނުވެއެވެ.
މި މައްސަލައާ ގުޅޭގޮތުން ފުލުހުން ބުނީ އެފަދަ މައްސަލައެއް އެ އިދާރާއަށް ހުށަހަޅާފައިވާ ކަމަށާއި، އެ މައްސަލަ މިހާރު ދަނީ ތަހުގީގު ކުރަމުން ކަމަށެވެ.
