އެމެރިކާއިން ސީރިއާގައި ހުންނަ އީރާނުގެ މަރުކަޒުތަކަށް ހަމަލާދީފި
27 އޮކްޓޯބަރު 2023 | ހުކުރު 04:14އެމެރިކާއިން ބުނީ އެ ހަމަލާތަކަކީ ހަމާސް ހަނގުރާމައަށް އިރާނު ވަނަނުދިނުމުގެ ގޮތުން ދިން ހަމަލާތަކެއް ކަމަށް
އީރާނުގެ މަރުކަޒުތަކަށް އެމެރިކާއިން ހަމަލާދިނީ އެފް-16 ބޭނުންކޮށްގެން
އިސްރާއީލާއި ހަމާސްއާ ދެމެދު ހިނގަމުންދާ ހަމަނުޖެހުންތަކުގެ ތެރޭގައި ދަނޑިވަޅުގެ ބޭނުން ހިފައި އެމެރިކާއިން ސީރިއާގައި ހުންނަ އީރާނުގެ މަރުކަޒުތަކަށް ހަމަލާދީފި ދީފައެވެ.
އެމެރިކާގެ އަސްކަރިއްޔާއިން ސީރިއާގެ އިރުމަތީ ސަރަހައްދުގައި އީރާނަށް ތާއީދުކުރާ ލަޝްކަރު ޖަމާއަތްތަކަށް ރޭ ވެސް ވައިގެ މަގުން ހަމަލާތަކެއް ދީފައިވާއިރު، ޕެންޓަގަންއިން ބުނެފައިވަނީ މިއީ އިސްރާއީލާއި ހަމާސްއާ ދެމެދު ހިނގަމުންދާ ހަމަނުޖެހުންތަކާ ވަކިން އެޅި ތަފާތު ފިޔަވަޅެއް ކަމަށެވެ.
އެމެރިކާގެ ދިފާއީ އޮފިޝަލަކު ވިދާޅުވި ގޮތުގައި ހަމަލާތައް އަމާޒުކޮށްފައި ވަނީ ސީރިއާގެ ދެ ތަނެއްގައި ހުންނަ އޮޕަރޭޝަނަލް އަދި ހަތިޔާރު ރައްކާކުރާ މަރުކަޒުތަކަށެވެ. އޮފިޝަލް ވިދާޅުވީ އެ ތަންތަން ބޭނުންކޮށްފައިވަނީ އީރާނަށް ތާއީދުކުރާ ހަނގުރާމަވެރި ޖަމާއަތްތައް ކަމަށްވާ ކަތައިބު ހިޒްބުالله އާއި ކަތައިބު ސައްޔިދު އަލް ޝުހާދާ ކަމަށެވެ.
އެމެރިކާއިން މި ހަމަލާތައް ދީފައި މިވަނީ ފާއިތުވި 24 ގަޑިއިރުގެ ތެރޭގައި އިސްރާއީލުން ޣައްޒާއަށް ވައިގެ ހަމަލާދީ ފަލަސްތީނުގެ އެތައް ބަޔަކު ޝަހީދުކޮށްލާފައިވާ ދަނޑިވަޅެއްގައެވެ. ޣައްޒާގެ ސިއްހަތާ ބެހޭ ވުޒާރާއިން ވަނީ މިދިޔަ އޮކްޓޯބަރު މަހުގެ 7 ވަނަ ދުވަހު ކުރިމަތިލުންތައް ފެށި ފަހުން ޝަހީދުވި ފަލަސްތީނުގެ 7،000 އަށް ވުރެ ގިނަ މީހުންގެ ނަން އާންމުކޮށްފަ އެވެ.
ޓީވީ މެދުވެރިކޮށް ދެއްވި ތަގުރީރުގައި ހަމާސްގެ ލީޑަރު އިސްމާއިލް ހަނިއްޔާ ވިދާޅުވީ އިސްރާއީލުން މިހާރު ދެމުންދާ ހަމަލާތަކުގެ ސަބަބުން މުޅި ސަރަހައްދު ހަލަބޮލިވުމުގެ ފުރުސަތު އެބައޮތް ކަމަށެވެ. ހަނގުރާމަ ހުއްޓާލުމަށް ބައިނަލްއަގުވާމީ ފެންވަރުގައި މަސައްކަތް ކުރި ނަމަވެސް އިސްރާއީލުން ވަނީ އަސްކަރީ ކެމްޕޭން ކުރިއަށް ގެންދިއުމަށް ބާރު އަޅާނެ ކަމަށް ބުނެފަ އެވެ.
އިސްރާއީލާއި ހަމާސްއާ ދެމެދު ހަމަނުޖެހުންތައް ފެށުނީ ދާދި ފަހުން ގުދުސްގައި ފަލަސްތީނާއި އިސްރާއީލު ފުލުހުންނާ ދެމެދު ހިނގި ހަމަނުޖެހުންތަކަކާ ގުޅިގެންނެވެ. ހަމާސްގެ ރޮކެޓް ހަމަލާތަކުގައި މިހާތަނަށް އިސްރާއީލުގެ 1400 އަށް ވުރެ ގިނަ މީހުން ވަނީ މަރާލައިފަ އެވެ.
އދ.ގެ އާންމު މަޖިލީހުން ކުއްލި ބައްދަލުވުމެއް ބާއްވައި، އުރުދުންއިން އެކުލަވާލާފައިވާ ގަރާރަށް ހުކުރު ދުވަހު ވޯޓަށް އަހާނެ ކަމަށް ބެލެވެއެވެ. އެމެރިކާއިން ބުނީ ސީރިއާއަށް ދިން ހަމަލާތަކަކީ އިސްރާއީލާއި ހަމާސްގެ ހަމަނުޖެހުންތަކުގައި އީރާނުގެ ނުފޫޒު ފޯރުވުން މަދުކުރުމުގެ ގޮތުން ދިން ހަމަލާތަކެއް ކަމަށެވެ.
