ރާއްޖެ
ޕާކިސްތާން - ރާއްޖެ
ފޮރިން މިނިސްޓަރު ޝާހިދު، ޕާކިސްތާނު ސަފީރާ ބައްދަލުކުރައްވައިފި
އެ ބައްދަލުކުރެއްވުމުގައި ދެ ގައުމުގެ ގުޅުން ބަދަހިކުރުމާ ގުޅޭގޮތުން މަޝްވަރާކުރެއްވި
ނަޒާހަތު އިބްރާހިމް ރަޝީދު, ރާއްޖެ އެމްވީ | 22 އޮކްޓޯބަރު 2023 | އާދީއްތަ 13:19
ފޮރިން މިނިސްޓަރު ޝާހިދު، ޕާކިސްތާނު ސަފީރާ ބައްދަލުކުރެއްވުން
ފޮރިން މިނިސްޓަރު އަބްދުﷲ ޝާހިދު، ޕާކިސްތާނުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު، ވައިސް އެޑްމިރަލް (ރިޓަޔަރޑް) މުހައްމަދު ފައްޔާޒު ގިލާނީއާ ބައްދަލުކުރައްވައިފިއެވެ.
ޝާހިދު އެކަން ހާމަކުރެއްވީ އެމަނިކުފާނު ކުރެއްވި ޓްވީޓެއްގައެވެ.
އެ ބައްދަލުކުރެއްވުން ބާއްވަވާފައިވަނީ އާދިއްތަ ދުވަހުއެވެ.
އެ ބައްދަލުކުރެއްވުމުގައި ދިވެހިރާއްޖެއާއި ޕާކިސްތާނާ ދެމެދު މިހާރުއޮތް ގުޅުން އިތުރަށް ބަދަހިކުރުމަށް ސަފީރު ދެއްވި އެހީތެރިކަމަށްޓަކައި ޝާހދިު ވަނީ ޝުކުރު އަދާކުރައްވާފައެވެ.
އެ ބައްދަލުކުރެއްވުމުގައި ދެ ގައުމުގެ ގުޅުން ބަދަހިކުރުމާ ގުޅޭގޮތުން މަޝްވަރާކުރެއްވިއެވެ.
