އެކި މައްސަލަތަކުގައި ފުލުހުންގެ ބެލުމުގެދަށަށް ގެންގޮސްފައިވާ ބައެއް ތަކެތީގެ ވެރިފަރާތް ހޯދުމުގެ މަސައްކަތް ކުރަމުންދާ ކަމަށް ފުލުހުން ބުނެފިއެވެ.

ފުލުހުންގެ ބެލުމުގެދަށުގައި ހުރި ތަކެތީގެ ތެރޭގައި؛ އޮކްޓޯބަރ 14 ވަނަ ދުވަހު އެމްއެމްއޭ ކައިރިން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ، ވަގަށް ނަގާފައިވާ ކަމަށް ބެލެވޭ ގީޕަސް ބްރޭންޑުގެ ލައިޓް ބޮކްސްއެއް ހިމެނެއެވެ. އަދި ވަގަށް ނަގާފައިވާކަމަށް ބެލެވޭ ކަރަންޓު ކޭބަލެއްވެސް ހިމެނެއެވެ.

އަދި އައިޖީއެމްއެޗް ތެރެއިން ހޮވައިގެން ގެނެސްފައިވާ ރަން ކެވެލިކޮޅަކާއި އޮރެންޖު ކުލައިގެ ސްކޫޓަރެއް ވެސް މި ތަކެތީގެ ތެރޭގައި ހިމެނެއެވެ.