މާލެ އަތޮޅު ކަނޑުމަތިން މަރުވެފައި އޮތް މީހެއްގެ ހަށިގަނޑު ފެނިއްޖެ
19 އޮކްޓޯބަރު 2023 | ބުރާސްފަތި 05:49އެސަރަހައްދުގައި ފުލުހުން ދަނީ ހަރަކާތްތެރިވަމުން
އަމްނާ އިމާދު | 19 އޮކްޓޯބަރު 2023 | ބުރާސްފަތި 05:49
ކަނޑު ދަތުރުފަތުރުގެ އުޅަނދުތައް
މާލެ އަތޮޅު ކަނޑުމަތިން މަރުވެފައި އޮތް މީހެއްގެ ހަށިގަނޑު ފެނިއްޖެއެވެ.
ބުރާސްފަތި ދުވަހު ފުލުހުން ބުނީ ދޫނިދޫއާއި ފޮނަދޫއާއި ދެތެރޭ ކަނޑުމަތިން މަރުވެފައި އޮތް މީހެއްގެ ހަށިގަނޑު ފެނިފައިވާ ކަމަށެވެ. އަދި އެސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ.
ހަށިގަނޑު ފެނިގެން ފުލުހުންނަށް ރިޕޯޓުކޮށްފައިވަނީ ބުދަ ދުވަހުގެ ހެނދުނު 9:10 ހާއިރު ކަމަށް ފުލުހުން ބުނެއެވެ.
ނަމަވެސް އިތުރު ތަފްސީލެއް ފުލުހުން އާއްމުކޮށްފައިނުވެއެވެ.
މަރުވެފައި އޮތް މީހެއްގެ ހަށިގަނޑު ފެނިގެން އެސަރަހައްދުގައި ފުލުހުން ހަރަކާތްތެރިވަމުންދާއިރު، އޭގެ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ.
