ކުރެއްދޫ އެފްސީ އަދި ކޮކޫން ފޫޓްބޯލް ޓީމުގެ ކުރިމަތިލުމަށް ހަމަހަމަ ނިމުމެއް

ޕާމް ބީޗް ރިސޯޓް އެންޑް ސްޕާއިން އިންތިޒާމުކޮށްގެން ކުރިއަށްގެންދާ ޕާމް ބީޗް ސޮކާ ކަޕްގައި ކުރެއްދޫ އެފްސީ އާއި ކޮކޫން ފޫޓްބޯލް ޓީމް ކުޅުނު މެޗް އެއްވަރުވެގެން ނިމިއްޖެއެވެ.

ފޯރިގަދަ ކުޅުމެއް ފެނިގެންދިޔަ މި މެޗް އެއްވަރުވީ 2-2 ގެ ނަތީޖާއަކުންނެވެ. ޕާމް ބީޗް ރިސޯޓުގައި ކުޅުނު މި މެޗުގައި ކޮކޫން ފޫޓްބޯލް ޓީމަށް ލަނޑުތަށް ކާމިޔާބުކޮށްދިނީ ހަސަން ޒަރީރު އާއި އަބްދުލް ޝަކީލެވެ. ކުރެއްދޫ އެފްސީ އަށް ލަނޑުތަށް ކާމިޔާބުކޮށްދިނީ މުހަންމަދި ނަބީލް އާއި މުހަންމަދު ޝަރީފެވެ.

މިމަހުގެ 20 އިން އަންނަ މަހުގެ 4 ވަނަ ދުވަހުގެ ނިޔަލަށް ކުރިއަށްދާ މި މުބާރާތުގައި މިހާތަނަށް ވަނީ 3 މެޗު ކުޅެފައެވެ. އެގޮތުން 4 ވަނަ މެޗުގައި އާދީއްތަ ދުވަހު ހަވީރު ނިކުންނާނީ މުބާރާތް ހޯސްޓްކުރާ ޕާމް ބީޗް ރިސޯޓަށް ނިސްބަތްވާ، ޕާން ބޯޗް ސޮކާ ކްލަބާއި ހިންނަވަރު އެފްސީއެވެ.

ދެ ގުރޫޕަކަށް ބަހާލައިގެން ކުރައިއްގެންދާ މި މުބާރާތުގައި ޖުމްލަ 7 ޓީމު ވާދަކުރެއެވެ. އެގޮތުން ގްރޫޕް "އޭ" ގައި ހިމެނެނީ ޕާމް ބީޗް ސޮކާ ކްލަބް އާއި، ހިންނަވަރު އެފްސީ އާއި، ސްޕޯޓިން ވެކެންޒާގެ އިތުރުން ކޭ ޔުނައިޓެޑެވެ. ގްރޫޕް "ބީ" ގައި ހިމެނެނީ ކޮކޫން ފޫޓްބޯލް ޓީމާއި، ކުރެއްދޫ އެފްސީ އާއި، އައިޑިއަލް މޫވްމެންޓްސް އެވެ.

ޗެމްޕިއަން ޓީމަށް 30،000 ރުފިޔާގެ ފައިސާގެ އިނާމެއް ހުށަހެޅިފައިވާ މި މުބާރާތުގައި ފެއާ ޕްލޭ ޓީމާއި، ޑްރީމް ޓީމާއި، އެންމެ ގިނަ ލަނޑު ޖަހާ ކުޅުންތެރިޔާ އާއި، މުޅި މުބާރާތުގެ އެންމެ މޮޅު ކުޅުންތެރިޔާވެސް ކުޅުމަށް ވަނީ ހަމަޖެހިފައެވެ.

ގްރޫޕް ސްޓޭޖުގެ މެޗުތަށް ކުޅުމަށްފަހު ކޮންމެ ގުރޫޕަކުންވެސް އެންމެ ގިނަ ޕޮއިންޓް ހޯދާ ދެޓީމަށް ސެމީއިން ޖާގަލިބޭއިރު ސެމީގެ މެޗުތަށް ކުޅުމަށް ހަމަޖެހިފައިވަނީ ޖުލައި މަހުގެ 31 އަދި އޯގަސްޓް މަހުގެ 1، މި ދެދުވަހުގައެވެ. ފައިނަލް ކުޅުމަށް ހަމަޖެހިފައިވަނީ އޯގަސްޓް މަހުގެ 4 ވަނަ ދުވަހުއެވެ.