ޓްރާންސިޝަން ކޮމިޓީން މިނިސްޓްރީ އޮފް ހެލްތު އަދި ސްޓެލްކޯގެ އިސްވެރިންނާއި ބައްދަލުކުރައްވައިފި
ޓްރާންސިޝަން ކޮމިޓީތަކުން ދަނީ އިދާރާތަކާއި މުއައްސާސަތަކާއި ބައްދަލުކުރައްވަމުން
ޓްރާންސިޝަން ކޮމިޓީން މިނިސްޓްރީތަކާއި އިދާރާތަކުގެ ބޭފުޅުންނާއި ބައްދަލުކުރެއްވުން
އިންތިޚާބީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ފަރާތުން ޞިއްޙީ ދާއިރާއަށް އައްޔަން ކުރައްވާފައިވާ ޓްރާންސިޝަން ކޮމިޓީން މިނިސްޓްރީ އޮފް ހެލްތުގެ އިސްވެރިންނާ ބައްދަލުކުރައްވައިފިއެވެ.
މިބައްދަލުވުމުގައި، މިހާރު ހިނގަމުންދާ މުހިއްމު ޕްރޮގްރާމްތަކާއި ޕްރޮޖެކްޓްތައް އަދި ކުރިއަށް ޕްލޭން ކުރެވުނު ކަންތައްތަކާ ގުޅޭގޮތުން މަޝްވަރާކުރައްވާފައިވާ ކަމަށް ހެލްތު މިނިސްޓްރީން ވަނީ ބުނެފައެވެ.
އެ ބައްދަލުކުރެއްވުމުގައި ހެލްތު މިނިސްޓަރ އަހުމަދު ނަސީމް ބައިވެރިވެވަޑައިގެންނެވިއެވެ.
އެ ބައްދަލުކުރެއްވުމުގައި ޓްރާންސިޝަން ކޮމިޓީން ބޭނުންވާ މައުލޫމާތުތައް ވެސް ވަނީ ހިއްސާކުރައްވާފައެވެ. އަދި އެ ކޮމިޓީ އަށް ބޭނުންވާ ފުރިހަމަ އެއްބާރުލުން ދޭނެކަމުގެ ޔަޤީންކަން މިނިސްޓްރީން ވަނީ ދީފައެވެ.
ބުރާސްފަތި ދުވަހު އިންތިގާލީ ކޮމިޓީތަކުން ވަނީ ސްޓެލްކޯގެ އިތުރުން ފުލުހުންގެ އިދާރާ އާއި ބައްދަލުކޮށްފައެވެ.
ސްޓެލްކޯ އާއި އެކު ބޭއްވި ބައްދަލުވުމުގައި ސްޓެލްކޯގެ މެނޭޖިން ޑިރެކްޓަރ އަހުމަދު ޝަރީފް ބައިވެރިވަޑައިގެންނެވިއެވެ.
މީގެ އިތުރުން ފުލުހުންނާއި އެކު ބޭއްވި ބައްދަލުކުރެއްވުމުގައި ކޮމިޝަނަރ އޮފް ޕޮލިސް މުހައްމަދު ހަމީދު ބައިވެރިވަޑައިގެންނެވިއެވެ.
