އޭސީސީ ޕްރިމިއަރ ކަޕް: ރާއްޖެ އަތުން ސިންގަޕޯރ މޮޅު

މެލޭޝިޔާގައި މިހާރު ކުރިއަށްދާ އޭސީސީ 19 އަހަރުން ދަށުގެ ޕްރިމިއަރ ކަޕްގައި ސިންގަޕޯރ އަތުން ރާއްޖެ ބަލިވެއްޖެއެވެ.

ރާއްޖޭގެ 19 އަހަރުން ދަށުގެ ޓީމް ސިންގަޕޯރ އަތުން ބަލިވީ 178 ލަނޑުންނެވެ. މެޗުގައި 49.5 އޯވަރުގެ ތެރޭގައި ސިންގަޕޯރގެ ހުރިހާ ކުޅުންތެރިން ނުބައިވިއިރު 290 ލަނޑު ހެދިއެވެ. ރާއްޖެއިން ކުޅެން އަރައި 38 އޯވަރުގެ ތެރޭގައި ހުރިހާ ކުޅުންތެރިން ނުބައިވިއިރު ހެދުނީ 112 ލަނޑެވެ. މެޗުގައި ރާއްޖެއިން އެންމެ ރަނގަޅަށް ކުޅުނީ މަބްސަރު އަބްދުﷲއާއި ޔަނީއު އަލީއެވެ. މިއިން ކޮންމެ ކުޅުންތެރިއަކު 23 ލަނޑު ހެދިއެވެ.

މިއީ މުބާރާތުގައި ރާއްޖެ ކުޅުނު ފުރަތަމަ މެޗެވެ. ރާއްޖޭގެ ދެވަނަ މެޗުގައި މިމަހުގެ 16 ވަނަ ދުވަހު ވާދަކުރާނީ ތައިލެންޑާއެވެ. އަދި ފަހު މެޗުގައި ކުވެއިތާ ވާދަކުރާނީ 18 ވަނަ ދުވަހުއެވެ. މުބާރާތުގެ ސެމީފައިނަލަށް ދަތުރުކުރާނީ ހަތަރު ގްރޫޕުންވެސް އެއްވަނަ ޓީމެވެ.