"އަންނަ އަހަރު ތެރޭ ރާއްޖެއިން އިތުރު ހަ މަންޒިލަކަށް ބިއޯންޑްގެ ދަތުރުތައް ފަށާނެ"

ދުނިޔޭގެ ފުރަތަމަ ލަގްޒަރީ އެއާލައިން ބިއޯންޑްގެ ދަތުރުތައް އަންނަ އަހަރު ތެރޭ ރާއްޖެއިން އިތުރު ހަ މަންޒިލަކަށް ފަށާނެ ކަމަށް އެ އެއަރލައިންގެ ސީއީއޯ ޓެރޯ ޓަސްކިލާ ވިދާޅުވެއްޖެއެވެ.

ބިއޮންޑްގެ ފުރަތަމަ ފްލައިޓް، ވެލާނާ އިންޓަނޭޝަނަލް އެއާޕޯޓަށް ޖައްސާފައި ވަނީ ހޯމަ ދުވަހު މެންދުރެވެ. އެ ކަން ފާހަގަކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން އޭނާ ވިދާޅުވީ މި ފްލައިޓްގެ ދަތުރުތަކުގެ އަގުތަކަކީ އެންމެ އެކަށީގެންވާ ގޮތަށް ކަނޑައަޅާފައިވާ ރަނގަޅު އަގުތަކެއް ކަމަށެވެ. އެގޮތުން ސައުދީގެ ރިޔާދް އަށް ކުރާ ދަތުރުތަކުގެ އަގުތައް ފެށެނީ 1,700 ޑޮލަރުންނެވެ. އަދި ޖަރުމަނަށް ކުރާ ދަތުރުތަކުގެ އަގުތައް ފަށާފައި ވަނީ 2000 ޑޮލަރުން ނެވެ. އަދި ސްވިޓްޒަލޭންޑަށް ކުރާ ދަތުރުތައް ފެށޭނީ 3،000 ޑޮލަރުންނެވެ.

Advertisement

އޭނާ އިތުރަށް ވިދާޅުވީ ކުރިއަށް އޮތް ފަސް އަހަރު ބިއޯންޑްގެ ހުރިހާ ފްލައިޓެއްވެސް އޮޕަރޭޓްކުރަން ހަމަޖެހިފައިވަނީ ރާއްޖޭގައި ކަަމަށެވެ. އަދި އިތުރު މަންޒިލްތަކަށް ދަތުރުތައް ފުޅާކޮށް ކުރިއަށް އޮތް ފަސް އަހަރުތެރޭ ރާއްޖެއިން 60 މަންޒިލަކަށް ދަތުރު ފެށުމަށް އަމާޒު ހިފާފައިވާ ކަމަށް އޭނާ ވިދާޅވުިއެވެ. އެ ދަތުރުތައް އޮޕަރޭޓްކުރުމަށް ބޭނުންކުރާނީ 33 އެއާކްރާޕްޓް ކަމަށް ވެސް އޭނާ ވިދާޅުވިއެވެ. އަމާޒަކީ ފަސޭހަ އަދި ހިތްގައިމު ލަގްޒަރީ ތަޖުރިބާއެއް ކަސްޓަމަރުންނަށް ފޯރުކޮށްދިނުން ކަމަށް އޭނާ ވިދާޅުވިއެވެ.

ކުރިއަށް އޮތް ނޮވެމްބަރު މަހު ބިއޯންޑްގެ ރަސްމީ ދަތުރުތައް ފެށުމަށް ވަނީ ހަމަޖެހިފައެވެ. އެއާބަސް އޭ319، އޭ320 އަދި އޭ321 ގެ ބޯޓުތައް ބޭނުންކޮށްގެން ބިއޯންޑްގެ ދަތުރުތައް ކުރުމަށް ހަމަޖެހިފައިވާ އިރު ބިއޯންގެ ފްލައިޓްތައް އެކުލަވާލާފައި ވަނީ ކުދި ކުދި ޑީޓެއިލްތަކަށް ޚާއްސަ ސަމާލުކަމެއް ދީގެން ކަމަށް އޭނާ ވަނީ ބުނެފައެވެ.