ބޯކޮށް ވާރޭވެހި، ފެރިދޫގައި ފެން ބޮޑުވެގެން އެމްއެންޑީއެފުން އެހީތެރިކަން ފޯރުކޮށްދީފި
7 އޮކްޓޯބަރު 2023 | ހޮނިހިރު 00:20ފެން ހިއްކާ ޕަންޕާއެކު ފަޔަރ އެންޑް ރެސްކިއު ސަރވިސްގެ ސިފައިންނާއި، މެރިން ޑިޕްލޮއިމަންޓް ޔުނިޓް 2 ގެ މެރިންސް ޓީމެއް ހަރަކާތްތެރިވެފައިވޭ
އއ ފެރިދޫގައި ފެންބޮޑުވެފައި
ބޯކޮށް ވާރޭވެހި، އއ. ފެރިދޫގެ މަގުތަކުގައި ފެން ބޮޑުވެގެން އެމްއެންޑީއެފް މާލެ އޭރިއާ ކޮމާންޑުން އެހީތެރިކަން ފޯރުކޮށްދީފިއެވެ.
ބޯކޮށް ވާރޭވެހި އއ. ފެރިދޫގެ މަގުތަކުގައި ފެން ބޮޑުވެ، ބައެއް ގެތަކަށް ފެން ވަންނަމުންދާ ކަމުގެ މަޢުލޫމާތު ލިބުމާ ގުޅިގެން އެމްއެންޑީއެފް މާލެ އޭރިއާ ކޮމާންޑްގެ ޓީމެއް އެރަށަށް ދިޔުމަށް ފުރީ ހުކުރު ދުވަހު މެންދުރު 11:30 ހާއިރުއެވެ. މިގޮތުން އެމްްއެންޑީއެފް މާލެ އޭރިއާ ކޯސްޓްގާޑް ސެކަންޑް ސްކޮޑްރަންގެ ނޫރައްދީން ލޯންޗްގައި ފެން ހިއްކާ ޕަންޕާއެކު ފަޔަރ އެންޑް ރެސްކިއު ސަރވިސްގެ ސިފައިންނާއި، މެރިން ޑިޕްލޮއިމަންޓް ޔުނިޓް 2 ގެ މެރިންސް ޓީމެއް ހަރަކާތްތެރިވެފައިވެއެވެ.
އަދި، އއ. ފެރީދޫގެ މަގުތަކުގައި ފެން ހިއްކުމާއި ފެން ވަދެފައިވާ ގެތަކުގައި ވެލި ބަސްތާ ޖެހުމުގެ މަސައްކަތްކޮށްފައިވެއެވެ.
