ގޯތީގެ ރަޖިސްޓްރީ ދެން ހަވާލުކުރާނީ ސީއެޗްއެސްސީގެ ކުރީގެ އިމާރާތުން
2 އޮކްޓޯބަރު 2023 | ހޯމަ 00:5118،955 މީހުންނަށް 9003 ގޯތި ދިނުމަށް ވަނީ ނިންމާފައި
ބިންވެރިޔާ ސްކީމްގެ ދަށުން ގޯތި ހަވާލުކުރުން ކުރިއަށް ދަނީ
ބިންވެރިޔާ ސްކީމުގެ ދަށުން މާލޭގެ ރައްޔިތުންނަށް ދޫކުރި ގޯތީގެ ރަޖިސްޓްރީ ދެން ހަވާލުކުރާނީ ކުރީގެ ސީއެޗްއެސްއީ އިމަރާތުގައި ކަމަށް ހައުސިން މިނިސްޓްރީން ބުނެފިއެވެ.
ހައުސިން މިނިސްޓްރީން ބުނީ މާލޭ ރައްޔިތުންނަށް ގޯތި ހަވާލު ކުރުމުގެ މަސައްކަތް ކުރުމަށްޓަކައި ހުޅުމާލޭ ސިންތަޓިކް ޓްރެކުގައި ކުރިއަށް ގެންދިޔަ ގޯތީގެ ރަޖިސްޓްރީ ހަވާލު ކުރުމުގެ މަސައްކަތް 3 އޮކްޓޯބަރ 2023 އިން ފެށިގެން ކުރިއަށްގެންދާނީ ކުރީގެ ސީއެޗްއެސްސީ އިމާރާތުގައި ކަމަށެވެ.
ބިންވެރިޔާ ސްކީމުގެ ދަށުން ގޯއްޗަށް އެދި ހުށަހެޅި 97 ޕަސެންޓު މީހުންނަށް ގޯތި ދިނުމަށް ސަރުކާރުން ވަނީ ނިންމާފައެވެ. އެއީ 18،955 މީހުންނަށް 9003 ގޯއްޗެވެ. އޭގެ ތެރެއިން ހުޅުމާލޭން ގޯތި ލިބޭ މީހުންނަށް ގޯތި ހަވާލުކުރުމުގެ މަސައްކަތްވެސް މިނިސްޓްރީން އަންނަނީ ކުރަމުންނެވެ. މި ސްކީމުގެ ދަށުން ހުޅުމާލޭން ދޫކުރާނީ 1351 ގޯއްޗެވެ. އަދި ގުޅީފަޅުން 2219 ގޯތި، އަދި ގިރާވަރު ފަޅު ހިއްކައިގެން 5433 ގޯތި ދިނުމަށް ވަނީ ހަމަޖެހިފައެވެ.
ބިންވެރިޔާ ސްކީމުގެ ދަށުން މާލޭގެ ރައްޔިތުންގެ ތެރެއިން ގޯތި ލިބުނު ފަރާތްތަކަށް ގޯތި ދޫކުރަން ފެށީ އޮގަސްޓް 27 ވަނަ ދުވަހުން ފެށިގެންނެވެ. ސަރުކާރުން ބުނެފައިވަނީ ބިން ލިބިފައިވާ ފަރާތްތަކަށް ނޮވެމްބަރު މަހުގެ 5 ވަނަ ދުވަހުގެ ކުރިން ރަޖިސްޓްރީ ހަވާލުކޮށް ނިމޭނެ ކަމަށެވެ.
