ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒާއި ރަނިންމޭޓް ހުސައިން މުހައްމަދު ލަތީފް ވޯޓުލައްވައިފިއެވެ.

ރިޔާސީ އިންތިޚާބު 2023ގެ ދެވަނަ ބުރުގެ ވޯޓުލުން ހޮނިހިރު ދުވަހުގެ ހެނދުނު 8:00ގައި ގިނަ ސަރަހައްދުތަކުގައި ވޯޓުލުން ފެށިފައިވާއިރު، ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއާއި ރަނިންމޭޓް ހުސައިން މުހައްމަދު ލަތީފް ވަނީ ވޯޓުލައްވާފައެވެ.

ޕީއެންސީގެ ރިޔާސީ ކެންޑިޑޭޓް މުއިއްޒު ވޯޓު ލައްވާފައިވަނީ ހޮނިހިރު ދުވަހުގެ ހެނދުނު 8:30ގައި ތާޖުއްދީން ސްކޫލުގައި ބަހައްޓާފައިހުރި ވޯޓު ފޮއްޓަށެވެ. އަދި ރަނިންމޭޓް ހުސައިން މުހައްމަދު ލަޠީފް ވޯޓު ލައްވާފައިވަނީ ހޮނިހިރު ދުވަހުގެ ހެނދުނު 8:00ގައި ތާޖުއްދީން ސްކޫލުގައި ބަހައްޓާފައިހުރި ވޯޓު ފޮއްޓަށެވެ.

ރިޔާސީ އިންތިޚާބުގެ ފުރަތަމަ ބުރުގައި ވޯޓުލުން ކުރިޔަށް ގެންގޮސްފައިވަނީ ހެނދުނު 8ން ހަވީރު 4 ޖެހުމާ ހަމައަށެވެ. އެހެންނަމަވެސް ދެވަނަ ބުުރުގެ ވޯޓުލުން ހެނދުނު 8ން ހަވީރު 5 ޖެހުމާ ހަމައަށް ކުރިއަށްދާނެއެވެ.