"އިންޑިޔާ އައުޓް" ސްލޯގަން އިދިކޮޅުން ޚިޔާރުކުރީ މުޒާހަރާތަކުގައި މީހުން މަދުވުމުން ޖޯޝް އިތުރުކުރުމަށް: މާޒް ސަލީމް
29 ސެޕްޓެމްބަރު 2023 | ހުކުރު 02:31ރާއްޖެ އޮތީ އަމާންކޮށް ކަމަށް ސިފައިންގެ އިސް އޮފިސަރުން ވިދާޅުވާކަމަށް ސަލީމް ވިދާޅުވި
އުމަރު ނަސީރުގެ ރަނިންގމޭޓް އަހުމަދު ސަލީމް (މާޒް ސަލީމު)
"އިންޑިޔާ އައުޓް" ސްލޯގަން އިދިކޮޅު ޕީޕީއެމް/ޕީއެންސީން ޚިޔާރުކުރީ އޭރުގައި މުޒާހަރާތަކަށް ދާ މީހުންގެ އަދަދު މަދުވުމުގެ ސަބަބުން ޖޯޝް އިތުރުކުރުމަށްކަމަށް ރިޔާސީ އިންތިޚާބުގައި އަމިއްލަ ގޮތުން ވާދަކުރެއްވި އުމަރު ނަސީރުގެ ރަނިންގމޭޓް އަހުމަދު ސަލީމް (މާޒް ސަލީމު) ވިދާޅުވެއްޖެއެވެ.
އެމްޑީޕީން ބުރާސްފަތި ދުވަހުގެ ރޭ ސޯސަން މަގު ޖަގަހަ ކުރިމަތީގައި ކުރިޔަށްގެންދިޔަ ކަންމަތީ ޖަލްސާގައި ވާހަކަފުޅުދައްކަވަމުން މާޒް ސަލީމު ވިދާޅުވީ އެ ސްލޯގަން ބޭނުންކުރަން ފެށީ މީހުންގެ މެދުގައި ގައުމީ ޖޯޝް އިތުރުކުރަން ކަމަށާއި އެ ސްލޯގަންގައި ވަރަށް ގިނަ މީހުން ޖެހުނުކަމަށެވެ.
ސަލީމް ވިދާޅުވީ އިދިކޮޅުން އޭރު ސްލޯގަން ބޭނުންކުރަން ފެށުމުންވެސް އެއީ ސަރުކާރަށް ޕްރެޝަރ ކުރަން ކުރާކަމެއްކަމަށް ވަރަށް ގިނަ މީހުން ގާތު ބުނިކަމަށެވެ.
ސަލީމް ވިދާޅުވީ އަމަން ބަލަހައްޓާ ފަރާތްތަކުން އެވާހަކަތައް ދޮގުކުރާކަމަށެވެ.
މާޒް ސަލީމު ވިދާޅުވީ ޕީޕީއެމް ސަރުކާރުގެ އަނިޔާވެރިކަން އިއާދަވާން ބޭނުންނުވާނަމަ ރައީސް ޞާލިހަށް ވޯޓު ލާންޖެހޭކަމަށެވެ. އެހެން ނޫންކަމަށްވާނަމަ އަނެއްކާވެސް އަނިޔާވެރިކަން އިއާދަވެދާނެކަމަށެވެ.
