ދަ ޑިމޮކްރޮޓްސުން އެކުލަވާލާފައިވާ ސިޔާސަތުތަކަށް އެމްޑީޕީން ތާއީދު: އަލީ ނިޔާޒު

ދަ ޑިމޮކްރޮޓްސުން އެކުލަވާލާފައިވާ ސިޔާސަތުތަކަށް އެމްޑީޕީން ތާއީދު ކުރައްވާ ކަމަށް ހުޅުމާލެ ދާއިރާގެ މެމްބަރު އަލީ ނިޔާޒު ވިދާޅުވެއްޖެއެވެ.

ބުރާސްފަތި ދުވަހުގެ ހަވީރު ހުޅުމާލޭ ރުއްގަނޑު ސަރަހައްދުގައި ރައީސް އިބޫއާއެކު ހަވީރު ސައި ހަރަކާތުގައި ވާހަކަ ދައްކަވަމުން ނިޔާޒު ވިދާޅުވީ މާލެއަށް ވެސް ހުޅުމާލެއަށް ވެސް އެންމެ ރަނގަޅު ސިޔާސަތުތައް އަބަދުވެސް ގެނެސްދެނީ އެމްޑީޕީން ކަމަށެވެ.

2008 ވަނަ އަހަރު އެމްޑީޕީގެ ފުރަތަމަ ސަރުކާރުގައި މާލޭގެ ރައްޔިތުންގެ ބޯހިޔާވަހިކަން ހައްލުކުރުމަށް ކުރީގެ ރައީސް މުހައްމަދު ނަޝީދު ފެއްޓެވީ ވެށިފަހި ބޯހިޔާވަހިކަމުގެ ޕްރޮގްރާމެއް ކަމަށާއި ވެށި ފަހި މާލެ ޕްރޮގްރާމަކީ ކާމިޔާބުކަމާއެކު ހިންގި ޕްރޮގްރާމެއް ކަމަށް ވެސް ވިދާޅުވިއެވެ.

ނިޔާޒު އިތުރަށް ވިދާޅުވީ މާލޭގެ ތަސައްވުރު ރަނގަޅުކުރުމަށް ދަ ޑިމޮކްރޮޓްސްގެ ކެންޑިޑޭޓް އެކުލަވާލާފައިވާ ސިޔާސަތަކީ އެމްޑީޕީއަށް ޤަބޫލުކުރެވޭ ސިޔާސަތެއް ކަމަށާއި އެ ސިޔާސަތާއެކު މަސައްކަތް ކުރެވޭނެކަން އެނގޭ ކަމަށެވެ.

ހައްލުތައް ގެނެސްދޭ ބަޔަކީ އެމްޑީޕީ ކަމަށާއި ދަ ޑިމޮކްރޮޓްސް އިން ވިސްނުން ބަދަލުކުރައްވާ އެމްޑީޕީއަށް އެނބުރި ވަޑައިގަތުމަށް ނިޔާޒު ވަނީ އެދިވަޑައިގެންފައެވެ.