"އިތުރު ވަގުތު ކުޅެން ޖެހުނު ނަމަ، ކުރިއަށް އޮތް މެޗު ކުޅެން ޖެހެނީ ޓެކްނިކަލް މީހުން!"

ޔޫއެސް އޯޕަން ކަޕްގެ ފައިނަލްގައި އިންޓަ މިއާމީގެ ކުޅުންތެރިންނަށް ދިމާވި އެންމެ ބޮޑު މައްސަލަ އަކީ ވަރުބަލިވުން ކަމަށް އެ ޓީމުގެ ކޯޗު ޖެރާޑޯ މާޓިނޯ ބުނެފި އެވެ.

ފައިނަލަށްފަހު ވާހަކަ ދައްކަމުން މާޓިނޯ ބުނީ، ފައިތުވި ހަފްތާގެ ތެރޭގައި ގާތް ގާތުގައި މެޗުތައް ކުޅެން ޖެހުމުން ކުޅުންތެރިން ތިބީ ވަރަށް ބޮޑަށް ވަރުބަލިކަން އިހުސާސްވެފައި ކަމަށެވެ. އޭނާ ބުނީ މުޅި މެޗުގައި ވެސް ފެނުނީ ވަރަށް ވަރުބަލިވެފައި އޮތް ޓީމެއް ކަމަށެވެ. އެހެން ނަމަވެސް މިއާމީން މެޗުގެ ނަތީޖާ ހަަމަހަމަ ކުރުމަށް ވަރަށް މަސައްކަތް ކުރިކަން މާޓިނޯ ވަނީ ފާހަގަކޮށްފަ އެވެ. އެކަމާ ގުޅުވައިގެން އޭނާ ބުނީ، ފައިނަލް މެޗުގައި އިތުރު ވަގުތު ކުޅެން ޖެހުނު ނަމަ، ހޮނިހިރު ދުވަހު މިއާމީން ކުޅެން އޮތް މެޗު ކުޅެން ޖެހޭނީ ޓެކްނިކަލް މުވައްޒަފުން ލައިގެން ކަމަށެވެ. އޭނާ އެ އިޝާރާތް ކުރީ ކުޅުންތެރިންގެ ވަރުބަލިކަން ބޮޑުވެފައި އޮތް މިންވަރާއި، ބުންވަރަށެވެ.

މީގެ އިތުރުން މާޓިނޯ ބުނީ، ގިނަ މެޗުތަކުން ނަތީޖާ ނެރެމުން އައިސް، ކުއްލި އަކަށް ޓީމުގެ ކުޅުމުގެ ފެންވަރު ވެސް ދަށްވެފައިވާކަން ފާހަގަ ކުރެވުނު ކަމަށެވެ. އެގޮތަށް އެކަން ދިމާވީ އަނިޔާގެ މައްސަލަތަކާއި އަދި ކުޅުމުގެ ފެންވަރު ދަށްވުމުން ކަމަށް ވެސް އޭނާ ވަނީ ބުނެފ އެވެ. މާޓިނޯ ބުނީ ފައިނަލް ނާކާމިޔާބު ވުމަކީ ބޮޑު ނުތަނަވަސްކަމެއް ކަމަށާއި، ނަމަވެސް މިހާރު ފޯކަސް ކުރަންވީ ކުރިއަށް އޮތް މެޗަށް ކަމަށެވެ. މިއާމީ ދެން އޮތީ ނިއުޔޯކް ސިޓީއާ ދެކޮޅަށް ކުޅޭ މެޗެވެ. އެ ޓީމަކީ ލީގު ތާވަލްގެ ނުވަ ވަަނައިގައި އަދި ޕޯސްޓް ސީޒަން ޕްލޭ އޮފްގެ ޖާގައިގަ އޮތް ޓީމެކެވެ.