މަޖިލީހުގެ އިންތިޚާބީ ދާއިރާތައް ކަނޑައަޅާފައިވާގޮތުގެ ވަގުތީ ރިޕޯޓް އިލެކްޝަންސް ކޮމިޝަނުން ޢާންމުކޮށްފި
މާލެ ސިޓީއަށް 2 ދާއިރާ އިތުރުވެފައިވޭ
ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙު ގެ 5 ވަނަ ރިޔާސީ ބަޔާން
ރައްޔިތުންގެ މަޖިލީހުގެ 2024 ވަނަ އަހަރުގެ އިންތިޚާބީ ދާއިރާތައް ކަނޑައަޅާފައިވާގޮތުގެ ވަގުތީ ރިޕޯޓް އިލެކްޝަންސް ކޮމިޝަނުން ޢާންމުކޮށްފިއެވެ.
މި ރިޕޯޓުގައިވާ ގޮތުގެމަތިން، ރައްޔިތުންގެ މަޖިލީހުގެ 2024 ވަނަ އަހަރު އިންތިޚާބު ކުރަންޖެހޭ ގޮނޑީގެ ޢަދަދަކީ 93 އެވެ.
އެއީ މާލެ ސިޓީއަށް އިތުރު 2 ދާއިރާ އިތުރުވެފައިވެއެވެ. އެގޮތުން 2024 ވަނަ އަހަރުން ފެށިގެން ޖުމްލަ 17 ދާއިރާ މާލެ ސިޓީގައި ހިމެނޭނެއެވެ. ބަ އަތޮޅަށާއި، މާލެއަތޮޅާއި، ގއ. އަތޮޅު އަދި އައްޑޫ ސިޓީއަށް 1 ދާއިރާ ވަނީ އިތުރުވެފައެވެ.
2024 ވަނަ އަހަރަށް އިތުރުވި 6 ދާއިރާ އަކީ:
އިލެކްޝަންސް ކޮމިޝަނުން ބުނީ މި ބަދަލާއެކު، އޭދަފުށި، ވިލިނގިލި އަދި މީދޫ ދާއިރާގައި އޮންނާނީ އެ ދާއިރާ އަށް ނިސްބަތްވާ ރަށް އެކަނި ކަމަށެވެ. އަދި މި ރިޕޯޓުގައިވާ ގޮތުން، ބައެއް އިންތިޚާބީ ދާއިރާތަކުގެ ނަމަށްވެސް ބަދަލު އައިސްފައިވެއެވެ.
އެގޮތުން، ހުޅުމާލެ ދާއިރާގެ ނަން، ހުޅުމާލެ ދެކުނުދާއިރާ، ގުރައިދޫ ދާއިރާގެ ނަން މާފުށި ދާއިރާ، ތ. ގުރައިދޫ ދާއިރާގެ ނަން ގުރައިދޫ ދާއިރާ އަދި ފޭދޫ ދާއިރާގެ ނަން ފޭދޫ ދެކުނު ދާއިރާގެ ނަމަށް ބަދަލުވުން ހިމެނެއެވެ. މި ރިޕޯޓަށް ބުރާސްފަތި ދުވަހުން ފެށިގެން، 2023 އޮކްޓޯބަރު 19 ގެ ނިޔަލަށް، ޝަކުވާ ހުށަހެޅުމުގެ ފުރުސަތު އިލެކްޝަންސް ކޮމިޝަނުން ވަނީ ހުޅުވާލާފައެވެ.
