ކަމެއް ހާސިލްނުވުމުން ލިބޭ ދެރައިގެ ސަބަބުން އެކަމެއް ހާސިލްކުރުމަށް ހިތްވަރާއި އަޒުމް ލިބިގެންދޭ: އިމްރާން
27 ސެޕްޓެމްބަރު 2023 | ބުދަ 09:482013 އިން 2018 އަށް ރާއްޖޭގައި އޮތް އަނިޔާވެރިކަމަށް އަނބުރާ ދާކަށް ބޭނުމެއް ނުވޭ
އަދާލަތު ޕާޓީގެ ރައީސް އިމްރާން އަބްދުﷲ
ކަމެއް ހާސިލްނުވުމުން ލިބޭ ދެރައިގެ ސަބަބުން އެކަމެއް ހާސިލްކުރުމަށް ހިތްވަރާއި އަޒުމް ލިބިގެންދާކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވެއްޖެއެވެ.
އަންގާރަ ދުވަހުގެ ރޭ މާލޭގައި ބޭއްވި "އުފާވެރި އަމާން ރާއްޖެ" ކަންމަތީ ޖަލްސާގައި ވާހަކަފުޅު ދައްކަވަމުން ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވީ، ބައެއް ފަހަރަށް އަމިއްލައަށް ހާސިލްކުރަން ބޭނުންވާ މޮޅުކަމެއް ހާސިލްކުރުމަށް ހިތްވަރު ލިބުމަށްވުރެ، އެކަން ހާސިލްނުވުމުން ލިބޭނެ ދެރަޔަކާއި ނިކަމެތިކަމަކާމެދު ވިސްނުމުން އެކަން ހާސިލްކުރުމަށް ލިބޭ ހިތްވަރާ އަޒުމް ވަރުގަދަވެގެންދާކަމަށެވެ.
އިމްރާން އިތުރަށް ވިދާޅުވީ, 2013 އިން 2018 އަށް ރާއްޖޭގައި އޮތް އަނިޔާވެރިކަމަށް އަނބުރާ ދާން ބޭނުން ނުވާކަމަށެވެ.
މީގެއިތުރުން އިމްރާން ވަނީ، 2018ގެ އިންތިޚާބަށް އެމްޑީޕީ އިން ވަމުންދިޔަ ތައްޔާރީތަކަށް ޕީޕީއެމް އިން ހުރަސްއަޅަން އުޅުންގޮތް ވެސް ހިއްސާކުރައްވާފައެވެ.
އިމްރާން އިތުރަށް ވިދާޅުވީ، 2013 އިން 2018 އަށް ރާއްޖޭގައި އޮތް އަނިޔާވެރިކަމަށް އަނބުރާ ދާން ބޭނުންނުވާކަމަށެވެ. އެގޮތުން، އެފަދަ އަނިޔާވެރިކަމަކަށް ދިވެހިން ވެސް ނޫނެކޭ ބުނަންޖެހޭކަމަށް އިމްރާން ވިދާޅުވިއެވެ.
މީގެއިތުރުން އިމްރާން ވަނީ، ރައީސް މަޢުމޫން، ރައީސް ނަޝީދު އަދި ޤާސިމް އިބްރާހީމްވެސް އެނބުރި ޖަލަށް ވަޑައިގަންނަވަން ބޭނުންފުޅު ނުވާނަމަ ރައީސް ސާލިޙަށް ތާއިދު ކުރެއްވުމަށް އެދިވަޑައިގަންނަވާފައެވެ.
